أوف عاوتاني غاديين عند هاد الزمر !
-ويياه اختي نور و لكن معندنا منديرو ، يلاه نمشيو دغيا
-وا سايني بلاتي
-ياكما عاوتاني كتقراي شي قصة واه مكتعيايش
-انا حالفا تندير شي قصة مامفاكاش
-ا والو راسك خاوي
-اوا دبا نفكرك ا يسرى
-هه مهم يلاه دبا
-اوكي يلاه
هه درت ليكوم الدخلة ديال العرايش ياك هادشي اصلا كان قبل عام ، مهم نعرفكوم عليا انا نور قالولي واليديا سماوني هاكا حيث انا لي نورت ليهم حياتهم عندي 18 سنة دبا ما قصيرة ما طويلة ، سمرة و شعري قهوي غامق ديما طالقاه و عيني عسليين زوينة هادشي لي كايقولو لي (بزاف لي مكيعبهومش القصة يكون فيها وصف و لكن هكا كتعيش معاها كثر ) ماماتي خدامة مهندسة و بابا تاهوا اصلا تما تلاقاو و عندي خويا بوكوص عينه زورق شعرو رطب و كلشي على العضلات كو ماكنش خويا كن تصاحبت معاه هه كايقرا ف لافاك سنة تانية اقتصاد و يسرى صاحبتي من يامات اعدادي طويلة عليا بشوية بيضة و شعرها فاتح فنيكيشة مهم نرجعو فين كنا ف الهدرة مع يسرى باش ندخاو للحصة ديال الفيزياء لي مكنحملش ياخ مايعرفوش زعما يجيبو واحد صغير يااه اوف تانا معرفتش لاش دايرا علمي مسلك svt اودي على الباك و صافي ....
انا -ياخ هاد الدرس شحال معقد
يسرى : هادشي غي علاه بديناه
نور: شحال ف الساعة
يسرى : هادي 11:20
نور : باغا غي فوقاش تجي 12h
مهم صونات و خرجنا انا كنقرا غا مع الشعب قاتلي ماما ندخلك privé مي كاما بغيت ، مالي عليها دوك فلوس نزيدهم ف الحوايج ، مشيت لدار ، الفيلا ديالنا مي ماشي شي حاجة غي دوك الصغار لقيت ماما سلمت عليها و طلعت لبيتي ، دزت من حدا غرفة خويا يوسف وانا لقاه ناعس بقيت غاادا بلا حس تا قربت ليه وانا نضربها بغوتة تا قفزتو هه
يوسف -نووووووووور ! وا حشوما عليك بزاف هادشي ماينعس حد ف خاطرو
- اه ماسحابليش ناعس ههه
- باز وجهك قاصح
-صافي اخويا البوكوس كحاز نعس حداك
-و سيري راك قاريا
- لا عشيا خاويا معندك كي تفك مني !
-اوف الله يصبرني عليك !
بقينا متكيين و كنقشبو مع بعضياتنا
نور - هه مابقا والو و نشد الباك و نبقا ديما معك ف الفاك نيت نعرف شكادير
- و اييلا نجحتي بعدا
-الله ينجيني غادي نجح squint رمز تعبيري
-موحاال
-هاداك البرهوش رانضربك
-خافي على راسك
-عافتي شنو نعس نعس و هنينا
فيقاتنا ماما باش نتغداو و تلاقينا غي المعكاز على ختو ماكان فينا مانود
نور - يووسف
-نععام
-وا يوسف
-وا شنو
-مني تنود جرني را ماقاداش
-وانا لي كنت كنتسناك تنوديني
ماما : وا نودو خلاص براكا من العgز
مانضنا غا بزز مشيانا لقينا الغداء محطوط" طاجين من يدين ماما طيابها زوين تا من الخدامة كاتجي غي مرة ف السيمانا ماما عزيز عليها دير شغل دار بيدها
كان بابا تاهوا كالس ف الطبلة ، عائلة غزالة عندي سعداتي بيهم
تغدينا و سالينا انا طلعت لبيتي نراجع العربية حيت غدا عندنا فرض ،مفهمتش مني حنا علمي لاش كيزيدونا بهاد مواد ادبية يياه ديك الفلسفة تاهيا كتزعزعني معرف ش اندير ف الوطني فيها ، خويا يوسف خرج مع ديك صاحبتو ابتسام بطونوبيل ديالو ، مكنتحملوش انا و ابتسام و هي حاسة براسها هي معاه فنفس لافاك و لكن سنة اولى نوصفها ليكم هي بيضة شعرها صابغاه مزعراه عينها قهوين و كدير كيلو ديال مكياج
وصلات ديك 17h حسيت بالملال و عيطت ليسرى
نور: الو يسرى ، صافا ؟
يسرى : وب الحمد الله و نتي !
- تا انا ، شو عيطت ليك شبانليك نخرجو
-اهاه واخا تا دوزي عليا
قطعت معاها و مشيت لبست دجين و سبرديلة بيضة و جاكيط تاهيا ف بيض ، طلقت شعري بحال ديما و خديت سكوتر ديالي و دزت عند يسرى ، عيطت ليها تخرج عندي بلا مندخل عندها
يسرى : كوكو نور ، مشينا ؟
نور : اه شبانلك نمشيو لعبو bowling
- هه و نتي ديما كتغلبني مي صافي يلاه
درنا كاسك و ركبنا ف موطور غاديين و ريح كيدرب ف شعرنا هه و قفنا ف feu rouge و كانو حدانا جوج دراري راكبين ف طونوبيل كانو كيشوفو فينا و كيضحكو
هما- نتسابقو ؟
انا - قاد عليها ؟ اوكي يلاه
بقينا كنتسابقو كنا قد قد تا قشعت بوليسي واقف وانا نقص من السرعة هما تقولبو وقفهوم البوليسي
يسرى - هاهاهاهه مسسااكن تقولبو
انا - ههه و يااه
كملنا طريقنا و حنا نوصلى غي دخلنا بانو لينا بجوج
انا - هادو هنا تاهوما يلاه مشيو عندهم
- لا غي سيري نتي
-و يلاه اصاحبتي مالكي
- واخا واخا اوكي
مشيانا عندهوم وانا نهدر
انا - هاي هاي على خويا يوسف راك ناشط<br>
يوسف - اييه مالكي تابعانا
- هاه مصبت شعون نتبع ، باقي مع هادي
ابتسام - وي مالك معجبتكش
- لا معجبتينيش
يوسف - نور ش هاد البسالة صافي
انا - دبا شنو كتحامي عليها رانا لي ختك
- وي عارف مي هادي تاهيا حبيبتي
يسرى : نوور صافي يلاه جيها لاخرا منبقاوش حداهوم
انا : ميشرفنيش اصلا نكلس حداها هه نغيروها حسن باي باي يوسف
يوسف بقا كيخنزر فيا وانا غادا و هيا مالقات ماتقول مسكينة
انا : تفو شتي كدايرا
يسرى : الصمت
- را كنهدر معاك
- ها شنو قلتي
-والو صافي
ديما يسرى كاتولي فشكل مني كتشوفو كنحس بيها كيعجبها خويا و مخبيا عليا
انا : عافتي شنو ب ناقص كاع من شي لعب يلاه نمشيو القهوة لي حدا البحر
مشينا ليها و خدينا مناكلو معا دورا بانو لينا جوج دراري د قبيلا<
يسرى: ويلي ويلي جايين جهتنا
انا : ناري قفرناها
وقفو علينا و قالو : حصلتوو ، را منسيناش لي وقع قبيلا
انا : وانتوما لي عورين مشفتوش بوليسي
هما : صافي ماشي مشكيل نكلسو حداكوم
كريم : انا سميتي كريم و هدا صاحبي رضى <br>
(كريم طويل و مفورمي زوين شعرو كحل و لابس زوين اما رضى تاهوا عندو حقو ف الزين هما صحاب من الصغر ساكنين بجوج و دايرين شراكة ف مشروع restaurant داكشي هاي كلاس) بقينا كندويو ، رضى بانلي عجباتو يسرى و كريم بقا كيدوي غي معايا هو زوين مي بغيتو يكون غي صديق بلا مايفكر ف حاجا اخرى
يسرى : نور يلاه دغيا خسنا نمشيو
رضى : بلاتي شوية كاملين
يسرى : لا انا عندي مايدار بسلامة
و خرجات دغيا من القهوة
رضى : مال صاحبتك واش قلت شي حاجة ماشي هيا هاديك
انا : معرفتش كانعتادر منكم تانا خاسني نمشي
كريم ؛ عطيني نمرتك بعدا
انا : واخا هاك
خرجت لقيت يسرى معصبة
انا : مالك اصاحبتي الدري مادار ليك والو
يسرى : معجبنيش تقيل على القلب
انا: حمقة هادي هه يلاه ركبي نمشيو
جيت لدار من بعد ما وصلت يسرى لقيت ماما كالسا كتفرج و بابا كيقرا ف القران سلمت عليهوم و بقيت gالسا شويا دخل يوسف مخنزر سلم عليخو و قالي تبعيني لبيتي طلعت عندو شفني بدا يغوت
يوسف : وااش نتي مكتفهمييش ديما كديري لي هاكا
انا : شتك بحال الى باغي دابز هه و على من ؟ على ود هاديك لي مكتسماش
- راك عيقتي انا و حشمت ف بلاصتك حترميها و راه سميتها ابتسام
بقا كايغوت هي تجي ماما
ماما : هيه مالك ا بوسف علاش كتغوت على نور
يوسف : ماما بلا ماتحامي عليها نتي لي مفشاها
- اه بنتي و مفاشاها
- و تانا ولدك !
- لا نتا ...
علاه كانت اتقول شي حاجة و سكتات
انا ؛ صافي اماما تهدني
يوسف مازاد تا كلمة و دخل يدوش
ماما تاهيا مشات لبيتها و تا انا تساؤلت ف اللول مال ماما كانت ادوي و سكتات من بعد خويت راسي من هادشي مشيت بغيت ندوش تانا مع كل واحد عندو دوش ف بيتو نزلت لكوزينا نشرب لقيت يوسف تاهوا شافني و متسوقش مشيت عنقتو من اللور
يوسف - حايدي يدك عليا
- لا ماطالقاش
- ياك قبيلا عاد كنتي مخرجا فيا عينيك نتي و ماماك
- راه مامانا بجوج
- لا باينا
حسيت بيه بقا فيه الحال من هدرة د ماما و هادي ماشي اول مرة وا بغيت نلطف الجو
انا : يوسف البوكوص
يوسف : الصمت
انا : الظريف و الغزال
- ا باراكا من الصباغا قتلتونا بيها
- وا صافي خلينا نتصالحو
- الى قبلتي الشرط
- شناهوا
-متبقايش دوي مع ابتسام هكاك
- هه من بعد و نشوفو
- لا قولي
- صافي وا صافي ا حميمق ديالي
تصالحنا و طلعنا الفوق هو بغا يبقا مقصر وانا بغيت نعس غدا قاريا
هزيت تيليفو ديالي وانا لقا 2 appel من كريم ماكان فيا ميدوي معاه درت راسي مشفتهممش و نعست فقت صباح توضيت و صليت ؛ لقيت بحال ديما موجدة لي فطور كليت و خرجت مع 8h دخلت دوزت الفرض دوزت مزيان بعدا ، قسمنا كان غادي الحصة لي موراها 9h ساعا استد مكينش
انا : نبقاو غي ف المدرسة صباح هادا
يسرى : اه صافي
انا : عيط لي البارح كريم ساعا gاما سمعتو
يسرى : باقي عايش هاداك
- هه و مالو
- والو ! غي نسيتهوم gاع
- ظريفين بجوج
- مهم دبا يلاه نgلسو لهيه مكين مايدار
بقينا gالسين تا دوزنا الحصة ديال الماط ف 10h و خرجنا ف 12 يلاه غاديين ف الطريق و هو يخرج لينا كريم
يسرى : هادا نتا عاوتاني
انا : خويا كريم صافا ؟
كريم : خوك ؟ هه را ف داركوم مهم وي صافا و نتوما !
حسسيت براسي تقمعت و تزيرت واخا بصراحة عندو الحق ويلي على خويا مهم كملت الهدرة معاه
انا : تانا الحمد الله
كريم : يسرى لي بانتلي مابيخيرش
يسرى : لا مزيانا شكرا
انا : كرا كانت باغا تشوحشات صاحبك رضى
دغيا قرصاتني يسرى و خنزرات
يسرى : باي انا انمشي
ههه كريم بقا كايضحك و قالي
- و نتي زعما متوحشتينيش
- لا لا علاش انتوحشك
- اوا معرف انا بعدا دغيا توحشتك
حشمت و بقيت غي كندور ف عيني
رضى : هاه ناس كيحشمو زعما
رضى : شبانليك تغداي معايا
- اه نيت غي السبت ليوم و لكن خص نعيط ماما باش متسنانيش
عيطت لماما قتليها انتغدا مع شي اصدقاء اتفهم بلي ماينين بنات و دراري الى قتلها غي واحد اتفكر بعيد
مهم مشينا داني نيت restaurant ديالو واو غي الدخلة واعرة ، داكشي غزال لقيت رى تاهوا تما سلمت عليه و سولني
رضى : نور فيناهيا يسرى
انا : كانت معايا و مشات قبيلا للدار
- اه خسارة كن غي جات
- مرة اخرى
كريم : اوا يلاه نكلسو
رضى : نور نتي ضيفتنا دبا خدي لي بغيتي
انا : شكرا
بقاو كايتسناوني نجاوب
انا : غي شي حاجة على دوقكم
رضى : صافي عرفت شنو جيب يلاه بقاو نتوما كالسين
بقينا كنهدرو شويا انا و كريم عرفت بلي باه ميت هادي 6 سنوات و هو دبا عندو 27 عام عايش مع ماماه مابغاش يخليها بوحدها
من بعد جا رضى قدم لينا واح salade زوينة موراها poisson و ختمها ب un dessert لي تاهوا حمقني مشبعتش منو داكشي عندهوم واعر
انا : هادشي عندكوم زوين
كريم : هه بصحتك
انا : مم يلاه خاسني نمشي
- صافي جايا غي على ود كرشك
- هه لا ماشي هكاك و لكن را تعطلت
- غي كنضحك ، مهم يلاه نوصلك
- لا بلاش منعدبكش معايا
- اشمن عداب غي يلاه
ركبت معاه و نعت ليه تا وصلني نزلت و نزل تاهوا
لقيت خويا عاد جاي تاهوا مشيت سلمت عليه و عنقتو بقيت كنهدر معاه درت لقيت كريم مخنزر فينا
يلاه بغا يمشي وانا نشدو من يدو و هو يدفعني شافو يوسف
يوسف : هيه مالك معاها
ك : و نتا مالك
يوسف : كفاش ونتا مالك ، نور مال هدا معك
انا : ا لا والو ، لا معرفتش
كي غنفسر هادشي وانا براسي مفهماش علاش دار هاكا
كريم : مني نتي مع هاد خينا لاش خارجا سحابلي بيناتنا اعجال ساعا مشيت غالط
انا : كفاش
ك : دايرا فراسك مافهماش و زايداها كاتعنقي فيه قدامي
يوسف : راك مافهم والو
ك : نتا دخل سوق راسك و خليتها ليك
انا بقبت مصدومة ركب ف طونوبيل علاه بغا يمشي وانا نغوث
انا : كرييييم هدا را خويا
تصدم و بقا مبلوكي بقا عاد نزل مافهم والو
انا : هههه حمق هادا
ك : مم نور سمحيلي و تانتا اخويا
ي : مكاين مشكل كتوقع و لكن متقلقش لي ختي
ك : هه لا صافي
عنقني كريم و لكن ماحسيت بوالو من جيهتو
ي : احم احم واقيلا انا هنايا
نور : ههه اصافي
يو : دخل معانا للدار مرحبا بيك
نور : خليه يمشي كورا عندو الشغل
معرفتش كي خرجات لي حسيت بكريم تزير و لكن بصح او عاد عرفتو ولا يعرف خويا و يدخل للدار gاع
ك : اه بصح يلاه بسلامة
مشا و دخلنا انا و يوسف
ي : مالكي قمعتي الدري
انا : لا قلت لي كاين
- احياني
دخلنا و لقينا ماما كتغوت و كاتقول لبابا
- وا صافي واش ايبقا حياتو كاملا معنا صافي راه كبر
- يا هاد المرا را ميمكنش نجريو عليه
غي شافونا و قلبو موضع و حنا مفهمنا والو
يوسف : اش كاين شكون هدا
بابا : لا مكاين والو اولدي غي على العساس لي عندنا قلنا كبر باراكا عليه يحبس
ي : اه عمي عمي عبد الكريم مسكين شرف وا تاتسوله
انا بقيت غي كنشوف واخا متيقتش هاد هدرا و شي حاجا مخبيينها علينا
كنا طالعين ف الدروج انا و يوسف
انا : تيقتيهوم ؟
ي : جاتني هدرة فشمل و لكن علمن ايهدرو زما من غيرو
انا : وا معرف مهم صافي تصبح على خير
ي : تصبحي على خير
دخل لبيتو و تانا مشيت حليت واتساب لقيت ميساج من عنظ كريم بقينا كنهدرو و عاود طلب مني سماحا على ود قبيلا و بقيت نيت كنهدر تا معا يسرى بقينا مقصرين و قوتاو خاسني نمشي نعس واخا غدا الاحد خاسني نفيق بكري نراجع مابقا والو للوطني و الخلعة
فقت صباح مع 7h30 صليت فطرت و بديت حفاضا ، هاد عام دقيقة ماخاسش ضيع ساليت مع ديك 10h قلت نرتاح شوية مشيت للبيت يوسف لقيتو باقي ناعس خلعتو تاقفز بحال ديما ههه و تكيت حداه بقا كيهرني و يبوس فيا ههه تا طلعت ماما غوتات و هي مخنزرة
ماما : اهيا بعد من بنتي نور ش هاد البسالة
بقينا مفاجئين
انا : ماما مالكي را غي كنضحكو مادار والو
ماما : و باقي مفهمتش لاش كتنعسو ف نفس الفراش صافي را كبرتو
انا ؛ ماما ويلي را ديما هاكا مولفين
يوسف : غي خليها ا نور و داك اهيا را سميتو يوسف وانا ولدك واقيلا و هادي ختي ماشي براني
ماما : مني عرفها ختك اوا حتارمها
حسيت بيوسف تزير
انا : ماما صافي براكا وااه
يوسف : غي فهمني علاش كديري لي هاكا علاش و ماشي اول مرة
ماما : الى معجبكش الحال را الباب خرج من داري
انا : ماما شكاتقولي
ماما : لي كان خاسني نقولو من شحال هادي
يوسف : اهاه واخا واخا صدمتيني بزاف اخير حاجة كنت نتوقعها
انا : صافي ونتا درتيها بصح ماما را gاما قصداتها نيت
ماما : لا قصدتها
نور : مامااا
يوسف : شكرا بزاف هانا انخلي ليك هاد دار غي تهناي
انا : ماما را الى خرج يوسف تانا انخرج و اتخسريني ف خاطرا
ماما : gلسي لارض نتي معندك فين تمشي
يوسف : ختي غي بقاي نتي بعدا نتي را ماماك كتبغيك متخافي من والو
ماما هبطات وانا بقيت تابعا يوسف هو كيجمع حوايجو وانا تابعاه كنرغبو مايمشيش و والو مصمم يمشي هبط لتحت و عوال يمشي قال لماما
ي : هانتي لي بغيتي ايوقع بسلامة نتمنى غي تهلاي ف ختي حيت راك تبدلتي من هنا القدام متعرف شنو يوقع
ماما الصمت و مخنزرا
هو دار عندي و عنقني دموعي نزلو منقدش نبعد عليه
يلاه بغا يمشي هز يوارت و هي دوي ماما
ماما : هيه حط السوارت و ديك طونوبيل را حنا لي درناها ليك
انا : ماما غي كتزيدي تصدميني مال قلبك قصاح
ماما : هو لي ختار هادشي
ي : هاكي ها السوارت اه و نسيت حوايجي لي جمعت تاهوما ماشي من فلوسي تاهوما نخليهوم
يله كان غادي وانا نتبعو بقيت كنغوت و نبكي بكل جهدي
انا : يوووسف عفاك متخلينيش هئ هئ هئ عففاك متخلينيش
هو غادي عاطيني بالدهر و كيبكي
انا : يووسف لااااا عفاااك متمشييس هئ هئ
بقيت هكاك تا طحتس خفت كايبنلي يوسف جاي جيهتي
ي : ختي عفاك فيقي نووووور !
مابقيت عاقلا gاع شنو طرا
فقت لقيت راسي فبيتي و علاه خرج طبيب كان كايدوي معاهوم قاليهوم جاني انهيار عصبي من بعظ مامشا الطبيب جا عندي يوسف
ي : نور سمحيلي عفاك
انا : نتا راك مدرتي والو و درت خنزرت ف ماما
ماما :بنتي كي بقيتي
انا : هانتي كاتشوفيني
ماما : راك عيانا مي و خا هكاك متنسايش راني ماماك
انا : يووسف ايبقا معيا ولا اتخسريني ف خطرا
ماما : صافي غي كوني لاباس
يوسف : لا هي مباغانيش انبقا معك شويا و نمشي
انا : سكت نتا
ي : و لكن
انا : صافي ا يووسف عفاك الى كنت عزيزة عليك
ي : انا راني كنحمااق علييك
انا : تا انا الله يخليك ليا
ي : و لياا
هبطات ناما توجظ الغدا و بقيت انا و يوسف بانلي مقلق
انا : يوسف وا صافي حيد التغوبيشة
ي : مكرهتش و لكن راك شتي
انا ؛ ف الحقيقة ماما زادت فيه مي راه كتبقا مامانا
ي : اودي ا نور
صونا تيليفونو و خرج كانت ابتسام لي كتعيط
و خظيت تانا تيليفوني لقيت مساج من عند كريم بلي باغي يدوي معايا ضروري غي شافني حليت واتساب هو يدوي
ك : ننور صافا ؟
انا :الحمد الله و نتا ؟
ك : وي الحمد الله .. كاين شي جديد
مبغيتش نعاود لي وقع حيت اصلا هادو مشاكل عائلية ( بغيت نصحح واحد الحاجة كريم عندو 23 عام )
انا : لا و نتا ؟
هو : ف صراحة باغي نقوليك شي حاجة
انا : شنو
هو : تبغي نتلاقاو عاد نهدرو
انا : لا منقدش تابعاني حفاضا
هو : واخا ما مشكيل و انا مغاديش نقد نساين تنتلاقاو
صيفت لي audio قالي فيه
ك : نور يا نور نجيك نيشان بغيت نقولك راك عجبتيني و من اول مرة شفتك نهار تسابقنا و نهار عاودنا تلاقينا ف القهوة عجبني الحال زدت تعرفت عليك و نهار تغدينا مجموعين ضحكة ديالك و باش قتلك توحتشتك حشمتي ف الحقيقة انا كنبغيك اه ماشي غي عاجباني اتقولي هادا دغيا زرب عليا كيدار دغيا بغاني و لكن را هادشي لي وقع كل دقيقة كنزيد نتوحشك مكرهتش نبقا غي نشوفك نتمنى تكوني كاتبادليني نفس الشعور
.. ها دي اخر كلمة كنقال وانا ملقيا باش نجاوب صدمني كنت حاسا براسي عاجباه مي ماشي لهاد الدرجة و دغيا و لكن لي متأكدة هو مكنفكرش فيه كتر من صديق هو زوين و ظريف و لكن ماحاسا بوالو من جهتو
بقيت شويا عاد جاوبتو و معرفتش علاش كدبت عليه
انا : كريم تانتا كاتعجبني و لكن مزال مكنبغيكش
ك : وايليي فرحتينيي بزاف و مع الوقت اتولي تبغيني
بانلي فرحان وانا مقلقا علاش وقع هاكا علاش كدبت عليه حسيت انا رتاكبت غلط و بلاصت مانقولو الحقيقة خليتو تاق ف هدرتي لي فيها غا كدوب ولينا كنخرجو مع بعضيتنا منكرش انا كنستمتع معه كو غي بقينا غي اصدقاء مي انا عارفا ايجي نهار لي نصارحو داز شهر و باقي سيمانا للوطني ، كنوجدو انا و يسرى و هي باقي رضى تابعها و مابغات تعطيه تا فرصة اما يوسف علاقتو مع ابتسام باقا مستمرة و مع ماما غادا و كدهور و بسباب هادشي مابقاش كيعمر بزاف ف الدار مبقيتش كنشوفو بزاف و كنتوحشو تا من الطبلة مابقيناش نتجمعو فيها بزاف تايلا تجمعنا كنبقاو كالسين بحال الغرباء ؛ واحد صباح فقت مشيت تخشيت حدا يوسف بحال ديما
يوسف : نودي لا تجي عاوتاني ماماك تبغي تجري عليا
انا : يوسف صافي ياك سدينا داك موضوع
- نتي سديته اما انا لاا معمري نسا هدرتها القاصحة
- صافي ايوسف عفاك و را عييت فيها تشرح لي لاش كدير كتقولي مكاين والو
- مكاين والو ؟ هي غي رشقات ليها
- غي ساعة غضب الله يسامح و بداو صفحة جديدة
بقينا متكيين شويا نضنا نفطرو
انا و يوسف : صبباح الخير ماما
ماما : صباح الخير
انا : فين بابا ؟
ماما : خرج يدير شويا ديال الرياضة شحال هادي متحرك ، را خرج قبيلا دبا شويا يجي
انا : اه صافيي
يله جينا نبداو نفطرو و بابا جا نضت دغيا مشيت عنقتو
انا : صباح الخير بابا الغزال
يوسف : صباح الخير بابا
بابا : صباح الخير ولاداتي ، شتكوم اليوم الاحد و فقتو بكري
نور : اه بغينا نفطرو مجموعيين
ماما : اوا يلاه اجيو
انا : هه واخاا
كلسنا و بدينا نفطرو
بابا ؛ اوا ولدي يوسف كيف راك مع الدراسة
يوسف : هانا ا بابا مابقا والو و نساليو راني كنوجد
بابا : الله يوفقك ، ونتي ابنتي نور ؟
يلاه جيت نهدر و هي دوي ماما
ماما : لا بنتي نور هي لي منخافش عليها تبارك الله عارفاها اتحمر لينا الوجه و مورا الباك تمشي لشي ecole ياك ابنتي !
انا : لا اماما اندير غي لافاك هي لي مسلكاني و اندير نفس الشعبة ديال خويا اقتصاد
ماما : ويلي نتي يصلاح لي ماحسن ش بغيتي بهادي
بابا : خلي البنت دير لي بغات
يوسف : را تا لافاك لي عوال نيت يقرا را كيقرا مزيان و اقتصاد تاهيا شعبة مزيانا و ف الاخير كيبقا القرار ديال نور
ماما : ايه و لكن ...
انا : وا صافي خليونا نفطرو دبا ماشي وقتو
يوسف : يلاه صافي هانا خارج
انا : ديني معك
ماما : كلسي نتي را عندك الوطني واقيلا نسيتيه
يوسف : اه ا يسرى قرايتك هي اهم من اي حاجة
انا : صافي صافي بناقص هانا طالعا لبيتي
غي طلعت و هو يعيط لي كريم لي حاولت نبغيه و والو
ك : الو حبيبة
انا : الو كريم
ك : توحشتك ، بغيت نشوفك
- ميمكنش لي نخرج دبا
- علاش ! وا قولي بعدا غي توحشتك تا انا
- هكاك
- نور مالكي
-والو
- مالكي كدوي معايا ناقص ! درت شي حاجة معجباتش ؟
- لا انا لي درت
- كيفاش !
- والو اكريم والو غي بالي هاد الساعة غي مع الوطني مابغيت تاحاجا تشغلني عليه
- اه عندك الحق ، سمحيلي الى بغيتي منبقاش نهدر معاك تيدوز الوطني
- لا ماشي هكاك
- لا فهمت و را مكاين تا مشكيل اصلا مابقا والو و تسالي رانصبر يلا بسلامة تهلاي فراسك
- اوكي تانتا
حسيت براسي زدت فيه و لكن خاص نبدا نبعد عليه خاسو يفهم مايمكنش نزيدو ف هاد العلاقة ، بقيت ديك السيمانا كاملا غي ف بيتي و بين الكتوبا ، كريم دارها بصح و ماعودش عيط لي ، حل صباح جديد ، يوم مشرقت استيقظت و انا كلي نشاط و حيوية رغم ان اليوم هو يوم الامتحان الا اني بدل الخوف منه قررت ان اكون متفائلة و باذن الله سيمر كل شيء بخير
نضت بكري و دوشت و مشيت صليت لبست كسوة طويلة ف bleu ciel و سنيدلة ف beige و طلقت شعري و هزيت لي خاسني دزت لغرفة يوسف مالقيتوش ، نزلت ف الدروج وانا نلقا مفاجئة gاما توقعتها
و تما كلنت مفاجئة غي هبطت وانا نلقا عائلتي غي شافوني و غوتو هه
هما : نووور bn chance
و جايبين ليا gateau نفطر بيه مع عصير فرحت بزاف
انا : هه شكرا ليكم على هاد الصباح الزوين
بابا : هادا اقتراح يوسف
انا : شكرا ليك ا يوسف
ي : مابيناتناش علا شحال عندي من نور
انا : هه وحدة
يوسف : هه اوا يلاه فطري باش نوصلك
انا : هاي هاي اتوصلني هه خاس يكون عندي ديما امتحان واقيلا باش توصلني
ماما : وا يلاه باراكا من الهدرة و سيرو بكري الله يوفقك ابنتي
بابا : نور بنتي ركزي مزيان و ايكون غي الخير
انا : اميين امين
ي : يلاه هانا خارج نخدم الاوطو متعطليش
انا : واخا
خرج يوسف و بقيت مزال كناكل
انا : مم بنين هادشي
ماما : بصحتك
انا : يلاه هانا مشييت
سلمت عليهوم و دعاو معايا و خرجت وصلني يوسف و لقيت يسرى غي شافتنا جات كتجري
انا : الحمقة اهلا
بقات غي كتشوف ف يوسف
يسرى : لاباس لاباس ؛ يوسف صافا ؟
يوسف : oui et toi
-يسر : aussi ؛ اوا توحشناك
يوسف : شكون نتوما
- يسرى : اه حنا ... حنا ..مم
بانتلي يسرى وحلات ونا نقد الموقف
انا : وا يلاه دبا باراكا من الهدرة خلينا ندخلو
يوسف : يلا ه هانا مشيت good luck girls
يسرى و انا : thanks
دخلنا و كل مشا للقسم لي ايدوز فيه gاما جينا ف نفس القسم ، دوزت دوك مواد و داك نهار مزياان باقي لي غدا
مشيت عاوتاني دوزت و خدمت مزيان الحمد لله تا سرى قاتلي جاوبات مزيان ؛ سالاو امتحانات و باقي معيط لي كريم تانا gاما عيطت بقيت تا النهار النتائج كنت مخلوعة و النتيجة بانت
بانت النتيجة ، مشييت عند ماما و كان يوسف تاهوا gالس وانا مقلقة
ماما : بنتي اش درتي نجحتي
انا : الصمت و حادرا راسي
ي : لا متقوليهاش انور ميمككنش
انا : الصمت
ماما : لاا ميمكنش
خليتهوم تا مبقاو لقاو ميقولو تصدمو
انا : ههههه من نيتكم نور تسقط ؟ لا سمحولي صدقتو مكتعرفونيش
ماما ؛ حشوما عليك طيرتيها منا يو يو يو يو بنتي نجحات
ي : ختي مبروووك عليك عقبا اعوام لاخرا
بابا سمع الزغاريت تاهوا و جا عنقني
بابا : الله يرضي عليك ابنتي فرحتينا اندير ليك حفلة متنسايهاش
انا : بصح بصح هه
ماما : و علاش لا راك نجحتي و تستاهلي
بقينا كنضحكو و كلشي فرحان بهاد الخبر
الله على تهنيت و دبا اراك الراحة بغيت ندوز احسن صيف ، داز داك نهار و قررت نسيفط ميساج لكريم
انا ؛ وا سول فيا بعدا غي واش نجحت
بقيت شي 10min عاد جاوبني
ك ؛ لا منخافش عليك باينا نجحتي غي مني بعدتي عليا را اتكوني وجدتي مزيان
انا : اوا قول غي مبروك
ك : مبروك ا لالة
دورتها فراسي لقيت راسي زدت فيه ديك النوبا
انا ؛ كرييم سمحلي على داك النهار
ك : مادرتي والو راك غي صارحتيني
انا ؛ ولكن حسيت براسي زدت فيه عفاك سمحلي
ك ؛ اوكي ماشي مشكيل اصلا منقدش انا نبقا مقلق منك ؛ توحشتااك بزاف و غيابك كان صعيب
انا : مم صافي را دايرين ليا حفلة اوا اجي ليها
ك : وانا نصبر تال نهار الحفلة زعما
انا : مابقا والو غي 2jours
ك : صافي واخا لي بانليك اديروها نيت ف الفيلا ديالكوم ؟
انا : اه غي هنا
ك : صافي تنتلاقاو je t'aime
انا : يلاه ماما كتعيط لي
ديما كنتهرب من هاد الجواب لي خاسو يكون مي معندي مندير قلبي gاما بغاه
دااز نههار و ف الليل عيطات لي يسرى فرحانة هدرنا شويا قاتلب
ي : هافتي اخر اخبار
انا : شنو ؟
ي : خرجت مع رضى
انا : هاي هاي و عاد كتقوليها لي
ي : هه و داكشي جا على غفلة تلقينا صدفة و بقيت معاه
انا : اوا ؟
- اوا يوا
- هه عجبك الحال ؟
- ف الحقيقة اه و ضحوكي كيدخل للخاطر غي حكمت عليه ف اللول بلا منعرفو
انا ؛ ههه كيدخل للخاطر ؟ مم مدخلش للقلب
ي : هه لا باقي
انا ؛ ياك بعدا باقي يعني منبعد اتكون شي حاجة
يسرى : اوا نتي شنو درتي مع حبيب القلب
انا : هانا باقا معاه تنشوفو فين ايوصل هادشي
ي : و يوسف باقي مع ابتسام ؟
انا : اه علاش ؟
ي : مم لا والو غي فضول و مبروك ليه دخال gاع les modules
انا : الله يبارك فيك تلاهينا بالهدرة و نسيت مقتلك بعد غدا ايديرو لي حفلة النجاح راك معروضة
ي : ياكي تال دبا عاد كتقوليها باقا مشريت تاحاجا يلاه باي باش نفيق غدا بكري
انا : هه واخا اوكي
نعست تانا و فقت صباح بحال ديما صليت و نزلت نفطر يلاه هابطا وانا نسمع ماما كتدوي
ماما : لا غي اجي تانتي غدا منها نيت تشوفيه
غي شافتني و هي توتر و قطعات
انا : ماما مالكي دغيا قطعتي
ماما : ها لا والو ساليت الهدرة
انا : شكون هادي ؟
ماما : غي واحد صاحبتي عرضت عليها للحفلة
انا : اه فتيحة ؟
ماما : لا هادي وحد اخرى معرفة قديمة
انا ؛ اه واخا مهم فيناهوا بابا
ماما : را مشا للخدمة
انا : اه ويلي نسيت غي شديت العطلة سحابلي كلشي بحالي و نتي اماما مخداماش
ماما : لا خديت هاد اليومين باش نوجد معاك الحفلة
بقيت كنفطر و عي تعيط لي يسرى باش نخرجو نشريو لي خاسنا للحفلة ، خرجنا و بدينا كنقيسو les robes ف اللخر عاد خترينا لي بغينا يلاه حنا خرجين من magazin و هوا يصوني كريم
ك : سلام نور لاباس ، الى كنتي برا نتلاقاو
انا : لا مامسالياش انا ف دار كنوجد
ك : متيقنة ؟
انا : اه علاش
دغيا قطع وانا متسوقتش مع الدورا لقيتو واقف قدامي
انا : كريم
ك ؛ هادي هي داركوم واقيلا
انا : الصمت
ك : علاش كدبتي عليا
انا : الصمت
شدني من دراعي و زير عليا
ك : مالكي دوي تكلمي
انا ؛ اي ضريتيني طلق مني
ك : الى ضريتك هنا انا ضريتيني هنا ( اشار الى قلبو)
حسيت براسي ضلمتو ديك الساعا هو ميستاهلش هكا
انا : كريم صافي سمحلي مقصدتش...
ك : هدشي غي ماقصدتيش
بقات كتشوفينا يسرى و هي دخل
ي : خويا كريم انا حشمانا منك و لكن را بسبابي دبا كدابزو
ك : نتي شنو علاقتك
ي : را انا لي درت راسي مقلقة و قتليها انا صاحبتك قبل منو و قتليها بلي بغيتها دوز معايا هد نهار بوحدنا و حيت اصلا غدا اتلاقاو
ك : نور بضح هادشي ؟
انا : اه هادشي لي كاين
ك : واخا ماشي مشكيل انصبر تا غدا
ي : كريم صافي غي بقا الى بغيتي دبا
ك : لا لا هانيا هانا مشيت
مشا كريم و حسيت بيه ماتقش بهاد هدرة
انا : شكرا يسرى عتقتيني
ي : وايلي مابيناتناش
انا : واخا بانلي gاما تاق
ي : علاش مالو لي ميتيقش
انا : وا معرف مهم يلاه نمشيو دبا
رجعات كل وحدة لدارهوم مشيت لقيت كلشي كاين سلمت عليهوم و كلست معهم ف الصالا
بابا : بنتي نور فين كنتي
انا : غي مع يسرى شرينا لي خاصنا لغدا
انا كنهدر و يوسف غمزني باش نطلعو للفوق يهدر معايا فهمتو و ناض هو اللول
ي : يلاه انا انطلعت لبيتي
انا : اه و تانا نبدل حوايجي
ماما : واخا
طلعنا وانا متسائلة لاش مدواش قدامهم عاد فهمت
ي : نور بغيت نقوليك شي نشاورك فيها
انا : وي شنو ؟
ي : ابتسام
انا : مالها ياكما قررتي تفارق معاها هه
ي : لا ماشي هكاك
انا : اوا شنو دوي دغيا
ي : بغيت نقولها تجي للحفلة
انا : شناهيا ؟ ديك الصفريطة تجي
ي : نووور squint رمز تعبيري
انا : صافي صافي تهدن عنداك تموت واخا قلها تجي و لكن دير شي حاجا ماشي هي هاديك رانجري عليها gاما نحشم اصلا معرفتش ش عاجبك ف وحدة بحال هاديك فيها العياقة على والو
ي : راك مكتعرفيهاش مزيان
انا : مبغيتش اصلا نعرفها مهم تلاح انمشي نعس
داز نهار و فقت صباح كان الجو مغيم شويا نضت توضيت و صليت و لبست tenue sport و دزت لبيت يوسف اقتارحت عليه نمشيو نجريو و قالي راه داير مع ابتسام نفس البلان
انا : صافي سير معاها هي اهم مني
ي : لا نتي نور عيني مكينش بحالك
انا : اه صباغا عاطيها قتلة
ي : هه وا صافي احميمقا ديالي انمشيو ب 3
وافقت واخا محملاهاش على وجه يوسف تلاقينا معاها سلمات على يوسف من الوجه وانا مدات لي يديها
ابتسام : هيلو نور ؛ حبيبة صافا ؟
نور : حسن منك و ظرت ليها ضحكة صفرا
ابتسام : قالي يوسف على الحفلة لي دايرين و اكيد انحضر ويلي اخت ديال راجلي كاملا و منمشيش للحفل ديالها
انا : راجلك اوا تايتزاد عاد سميوه
يوسف : البنات حنا ماجيناش هنا باش نهدرو وا يلاه
بقينا كنجرييو ف البحر غاديين تا بانلي كريم تاهوت كيجري سلمت عليه و سلم هو على يوسف و مني بغا يسلم علاى ابتسام عنقها و بداو يضحكو وانا و يوسف مافهمين والو
يوسف : كتعرفها ؟
ك : اه را قرات معايا ف نفس الليسي واخا انا كنت فايتها بعام
انا : و كانت ف ديك وقيتة متكبرة ؟
ك : متكبرة ؟ لا لا ابتسام مكتعرفش هاد المصطلح
انا تقرست مني جا من جيهتها
ابتسام : هه نور حبيبة را غي نتي لي مايبان ليك هاكا
يوسف : اه بصح انور را فايت قتلك نتي مكتعرفيهاش مزيان
انا : دبا شنو تحاميتو اوا بقاو معاها هي بصحتكم بيها
شداتني البكيا مي مقدرتش نخليهم ينزلو قدامهم بقيت مزيرا تا بعدت عليهوم و بديت نبكي حيت حسيت بالحكرة تبعيني غي يوسف اما تا كريم بقا معاها
يوسف : نور مالكي زدتي فيه كتبكي gاع
انا : تانتا لي خويا و جيتي من جيهتها علاش ؟ شو غي لبس لي كتلبس و حالتها كي بحال بنات الزنقة
ي : نور بلا منزيدو نتناقشو هاديك لي كدوي عليها هاكا را قريب تكون مراتي
مشا و خلاني وانا تابعاه تنغوت عليه تا كانت صدمة قوية علينا انا و يوسف لا ميمكنش و علااش زعما يوقع هاكا مال بناادم خايب تال هاد الدرجة تخلطو عليا احاسيس و بانلي يوسف تعصب مشا كيجري بدا كيضرب كريم وانا غي كنتفرج تصدمت بزااف و ابتسام كتفك فيهم
كانت صدمة قوية ماشي غرت من لي شفت انا gاما كنبغيه و لكن هادي كتبقا خيانة و شنو دنب يوسف مسكين لي تاق فيها و كان عوال يتزوجها شي لي شفنا صدمنا بزاف كيفاش ابتسام و كريم قظرو يخونونا ؛ ابتسام كانت ف حضن كريم و هو يقبلها باشتياق كانهم كانوا كايتسناو غي امتا تجي هاد اللحظة ، من بعد ماشبع يوسف عصا ف كريم بقا كايعاير
يوسف : تفو علا شماتا و نتي ؟
شد ابتسام بجهد او زير عليها
ابتسم : هيه طلق مني صافي
يوسف : كيفاش قدرتي ديري فيا هاكا صافي دغيا تفو عليك يال المسخة ، اصلا انا لي درت فيك تيقا و وقفت تا ضد نور ، عندها الحق مني ماحملاتكش حيت نتي نيت بنت الزنق
ابتسام صرفقات يوسف
ابتسام : انا را بزااف عليكم بجوج اه غلطت بغيتي تنسا هو هداك مابغيتيش خرج من حياتي اصلا معمرك عجبتيني غي كنت مدوزا بيك الوقت و دبا صافي جا الوقت نساليو هادشي
يو : صافي بنتي على حقيقتك و شتيني انا غي انبقا مسوق ليك متعاوديش تعرفيني
ابتسام : اوا هنيا عليا مني فهمتي راسك
انا بقيت غي كنتفرج و مخنزرة ف كريم لي باقي طايح ف الارض شويا ناض جاي عندي هو وقف ف طريقو يوسف
يوسف : حدك تما متعاودش تقرب ليها
واخا هكاك كريم بقا كيدوي
ك : نووور نور سمحيلي احبيبة عارفاني شحال كنبغيك
انا : كتبغيني ؟ سير ضحك على وحد اخرى بهاد الهدرة اه ولا نسيت بلي عندك ابتسام
ك : لا لا عندي غي نتي سمحيليا غلطت معك وانا كنعتارف انا كنبغيك غي نتي
ابتسم : كيفاش ؟ شناهيا و انا اسي شنو بالنسبة ليك
ك : نتي بعدي مني خرجتي عليا يال المسخة انا باغي نور اشرف و انقى بنت شفتها اما الوسخ بخالك كيبقا ديما وسخ
يوسف : نور يلاه مابقا عندنا منديرو هنا
مشينا و حنا مصدومين و غاديين ف الاوطو يوسف كيدوي و هو معصب ات مان ايدخل ف واحد البنت
انا : يوووووسف لااا عنداااك
وقف دغيا و البنت طاحت سخفات الحمد لله مقسناهاش و لكن هي لاينا بالخلعة طاحت مني جيت نشوفها تصدمت
انا : إكرااااام
يوسف : كتعرفيها ؟
انا : اه ويلي صاحبتي ف يامات ابتدائي
يوسف : اوا يلاه نديوها للسبيطار
يلاه بغا يهزها يوسف و هي تفيق
اكرام : فيين انا و علاش انا ....
انا : اكرام حبيبتي معقلتيش عليا
اكرام : ها نوور هادي نتي
طارت عليها و عنقاتها
نور : ياك اصاحبتي رجعتي من فرنسا و مجيتيش سولتي عليا
اكرام : ولاه ياختي عاد جيت هدي سيمانا انا و عائلة و راك ديما ف بالي
نور : جيتي دوزي الصيف هنا
اكرام : اه خديت الباك ديالي تندوز الصيف عاد نرجع نكمل قرايتي
انا : ويلي تلاهينا بااهدرة و خلينا يوسف .. هه يوسف زعما معقلتيش عليها
يوسف : حاس براسي فايت شفتها و لكن معرفتش ، اجي ماشي نتي اكرام ديك الحمقة ديال المدرسة
اكرام : ههه هيا هدييك
انا : درتي عقلك دبا زعما
اكرام : ههه موحاال
يوسف : وا مهم حنا وقفنا هنا يلاه معانا للدار نكملو الهدرة نيت ليوما كاينا حفلة النجاح ديال نور
اانا : اه يلاه
(اكرام ف تاقدا ديال نور و نفس العمر هي زوينة شعرها قهوي بحال عينيها و بيضة ، قرات الابتدائي مع نور و ف التامنا قررو واليديها يمشيو يسكنو ففرنسا و يوسف كان معاهوم ف نفس المدرسة غي فايتهوم بعامين )
مشينا بتلاتة للدار كلسنا بقينا كنهدرو انا و يوسف و اكرام نساو الهم شويا تا وقف قالنا يوسف ايطلع لبيتو يرتاح ، طلع وانا بقيت مع اكرام
انا : اكرام ، سمحيلي واحد الدقيقة شويا و نجي و نمشيو نيت للصالون نقادو راسنا ؛ خدي راحتك دار دارك
اكرام : واخا ماشي مشكيل اه تانا نمشي دغيا نجيب حوايج من دار ماشي حفلة د صاحبتي هادي خاسني نكون ف كامل اناقتي
انا : هه واخا يلاه غي متعطليش
طلعت لفوق لقيت يوسف باقي معصب متكي و مجهد الموسيقى ، مشيت طفيتها و هو دغيا دار شاف فيا
يوسف : شنو بغيتي دبا عنظي خليني مرتاح
انا : يوسف صافي خلينا نساو هادشي ميستاهلوش نتقلقو على ودهم
يوسف : سمحيلي انور سمحيلي مكنتش كنديها ف هدرتك و نتي كان عندك ااحق هاديك لفعة
انا : صافي ايوسف لي فت ماات وا نود وجد راسك على ودي زعما ليوم حفلتي
يوسف : واخا نتي هي اللولا
انا : وا مهم انا انمشي دبا coiffeur انا و اكرام و يسرى
مشينا انا و اكرام و يسرى تعرفو على بعضياتهم و نساجمو مشينا صاوبنا شعرنا انا درتو bouclé جاني زوين و هما دارو مشطات .. هه انا والو مكيعجبنيش نجمعو درنا manucure و مكياج .. انا درتو خفيف شفت راسي ف المرايا وتو تبدلت جيت زوينة بزاف
يسرى : واو جيتي كتحمقي
اكرام : اه جيتي زوينة
انا : هه شكرا تنتوما غزالات
كملنا و مشينا للدار دخلنا نيشان لبيتي باش نبدلو الحفلة قربات تبدا ، يسرى لبسات كسوة سميطات ف الموف و طالون ف الكحل جات كتحمق نفس شي بالنسبة ل اكرام لي تألقات بكسوة طويلة ف bleu كاتبري شفافة من ضهرها و طالون ف الكحل و صاك صغير ف الكحل تاهوا جات غزاة اما لبست كسوة حد الركبا ف noir و طالون تانا ف rouge جينا بتلاتة زوينين كل وحدة تألقات بلون سالينا و خرجنا من الغرفة ، لقينا يوسف واجد لي جا بوكوص ب كوستيم ديلو noir و chemise en gris جا غزال هه بقات فيا غا يسرى بقات حالا فمها
يوسف : نور عيني جيتي كتحمقي
انا : يوسف تانتا بحال ديما ديما زوين
ي : هه عارف راسي
انا : ههه يك بعظا دار عند البنات
ي : تانتوما جيتو زويني
اكرام : merci youssef c gentille de ta part
اما واحظ يسرى وجها ولا بحال مطيشة مفهمتش لاش مبغاتش تعتارف كيعجبها يوسف را باينا للعمى
يسرى : شكرا 😶
يوسف مد ليا يظيه قبطت فيه باش نهبطو ضياف جاو صحابنا كامليين ههه و حنا هابطين كايبان لي رضى حال فمو ف يسرى و معاه كريم مفهمتش باش من وجه جاي للحفلة باش ميوقع والو دغيا قلت ليوسف ف ودنييه ميتهورش يخلي خاد ليلا دوز مزيان ، جاو بزااف ديال اصدقاء دار كانت عامرا هه ماما مسكينة تخلعات متوقعاتش هاد القوم كامل يجي ههه بداات الحفلة موسيقى كانت مجهدة بابا شاف هاظشي ماشي قدو بانلو يطلع لبيتو هه يخلينا على راحتنا الشباب و داكشي كل مرة كنشطح مع صديق ، يسرى بقات كتشطح معا رضى و مرة مرة تشوف ف يوسف ، يوسف هو و اكرام بقاو غي كيتفرجو تا قتارح عليها يشطحو تاهوما مهم كلشي حيح و ضواو ف الوان و مشروبات و حلاوي كلشي كان مقاد و زوين بقيت هكاك كنشطح دورا لي كندور قبط فيا كريم
انا : حيد يدييك يلاه دبا دغيا
ك : و شنو زعما انا بوحدي لي متشطحيش معاه را شفت مي كل مرة قابط فيك واحد هه زعما بغيتي ترجعي صرف اولا تخليني نغير زعما اوا را غرت مي صافي دبا كاما انطلق منك
انا ؛ ههه شنو مالك مريض اوا اسي فهمتي غالاط انا ممسوقاش اصلا ليك شكادير بعدا نتا هنا وجهك قاصح
ك : نور راني طلبت منك سماحا ونتي خاسك تسامحيني حيت كتبغيني و كنبغيك
انا : نو نو مشيتي غالط احبيبي انا معمري بغيتك غي بقيتي فيا و مبغيتش نرفضك اما كنتي ديما غي صديق و للاسف تا صداقة لي بناتنا راك خسرتيها وزايدها كتقول كتبغيني را بزاف على لي بحالك و لي بحالك مكيعرفش هاد الكلمة و دبا سير فحالك منعاودش نشوف كمارتك
ك : اها كتجري عليا واخا عقلي مزيان على هاد هدرة
انا : يلاه سربي خرج
ك : اندمك مزيان على gاع هاد الهدرة لي خرجات دبا من فمك
انا : اوف وا صافي غي سير يالاه باي باي نمشي نكمل حفلتي
جاتني الشجاعة فديك وقيتا و لكن نيت باش يفهم راسو و مزيان لي مشفناش يوسف كان اينود غي الصداع جات عندي اكرام
اكرام : هاي هاي شكون داك البوgوص
انا : غي معرفة ، يلاه دبا ماشي وقتو وقت الحفلة دبا
كتافييت نقولها غي هكا ماكان فيا ميعاود
مشيت كنقلب على يوسف لقيتو كالس ف كوزينا كيغوت و معاه ماما و واحد المرا
يوسف : علاش درتو فيا هاكا علاش خليتوني عايش ف وسط كذبة هاد السنين كلها
انا : كيفاش شنو واقع ؟
غي شافني يوسف جا عنقني و زير عليا و كيبكي وانا الف سؤال فراسي ، شويا دفعني
يوسف : اه نسيت معنديش الحق نقيسك اوالا لا ا الشريفة ( كان كيشوف ف ماما ) و خرج كيجري و درت انا عند ماما
انا : ماما فهميني شنو كيقصد ؟ يلاه
ماما : والو ابنتي والو
انا : كفاش والو و هو حالتو كدايرا قوليلي دبا ش واقع و شكون هاد المرا
بقييت كنغوت فاللخر عاودات لي ماما
ماما : ( كتحكي و هي كتبكي ) كانت عني 24 سنة تلاقيت باباك ف الخدمة لي فيها حنا دبا اول مرة شفتو عجبني رجل محترم الف مرا تمناه مع الوقت و خدمتنا مجموعين ولا ت بيناتنا علاقة و جا طلب يدي من بابا للزواج تزوجنا عن حب كنا مفاهمين و ماخاسنا تا خير ولكن الحاجة المهمة هي لي مرزقناش بيها الله متقبلتش فكرة اني منكونش كنولد و خفت باباك يطلقني و نسيت انه كيبغيني و مستحيل كان يفكر يدير هادشي اه يا بنتي على دوك لييام فكرت تا فكرت ، وانا نتفكر واحد البنت كانت ف حومتي القديمة لي كانت حاملا غتاصبوها فكرت انها معندها كي تربيه و هي مصاب توكل غي راسها مشيت عندها و طلبت منها تعطيني الدري لي ايتولد فمقابل فلوس ترددات بزلف ف اللول و لكن ف اللخر قنعتها و قبلات داز شهر و مقلت والو لبابك ولدات البنت وانا مشيت خديت منها الدري
اناا و مصظومة و كنبكي : هئ هئ مكتولديش؟ هيا تانا ماشي بنتك ! يلااه قوليلي الصراحة
ماما : بلاتي نكمل ليك
انا : شنو هدري و كي قدرتي تفرقي صغير على مو
ماما : صحابلك كانت ساهلا عليا مي مكان عندي مندير كنت كنفكر غي نقض زواجي قبل ميتهدم كان مشهد عمري نساه مني فارقتهوم ، طفل بحجم الكف كيبكي ، مو ميكينة تاهيا طايحة كتشهق و تبكي مقداتش تفارق معاه ديتو و عاودت لباباك هاد الهدرا مي معجبوش ااحال و طلب مني نرجعو لكن انا بقيت كنرغبو نخليه قبل و لكن كان كيرفض يقرب ليه مع الوقت دازت شهرين ولفو و تعلق بيه بزاف ولا باباك فرحان بيه و تانا بدوري فرحت حيت هادشي لي كنت باغا و لكن وقعات حاجة مصدقتهااش لي فرحاتني و صدماتتي ف نفي الوقت دازت تقريبا 3 سنين و حملت بيك واخا كانت من المستحيلات مي ربي كتب علينا هادشي يمكن كان هداك اختبار من عند جلالتو ؛ نهار تزاديتي متقظيش تصوري شحال كنت طايرا بالفرحة احساس زوين تولد و يكون قدامك طرف منك و قررت نرجع يوسف لمو لكن لقيتها رحلات و عيا يقلب عليها باباك و لكن والو بلا فيدا ملقيناهاش مني تزاديتي كنت انانية وليت كنشوفك غي نتي مبقيتش باغا يوسف واحد وقيتا ولا يبان لي نحطو ف خيرية لكن باباك بحال ديما كيمنعني ؛ اضطريت نخليوه معانا تا كبر و ها الحقيقة لي كانت مدفونة تعرفات
انا : هئ هئ هادشي كولو خرج منك مستحيل تكوني لا ام لا انسان حشومة عليك على ود مصالحك لعبتي بالناس علاااش علاش انا و حشمت فبلاصتك منقدش نشوف ف وجه يوسف ، خليتيه يكبر ف كذبة وانا تنقول لاش كتعامليه ناقص قولي نتي هادشي كامل مخبياه
ماما : سمحي لي ابنتي سمحيلي هئ هئ
انا : كي غانقد ؟ و يوسسف اه يا يوسف عملاه حالتو كدايرا دبا
ماما : صافي ابنتي نتي لي بقيتي ليا
انا : نتي خسرتيني تا انا ، و شنو دبا لي نفهم انا هدي هيا مو
ماما : اه هيا هادي ماماه ليلى
ليلى : هيا انا ابنتي وانا جيت باغا نرجع ولدي
انا : صافي مبقيتش قادا نسمع
خرجت لقييت الحفلة باقا و كلشي ناشط مابغيتش نخسرها عليهوم مشيت مخبيا باش ميولني تاحد مالي بفيت كنقلب على يوسف مكينش فببتو لا ف دار كاملا خرجت لبرا لقيتو مخشي و gالس فواحد درجة حالتو حالا محطم بززاف قربت لعندو و عنقتو و هوا تخشا فيا بحال شي دري صغير محتااج لحنان بقيت كنوز يدي على شعرو بلا منقول تا كلمة خليتو تا بكا و رتاح شويا عاد هدرت
انا : يوسف خاسك تعرف واخا يوقع لي وقع نتا كتبقا اعز واحد عندي
يوسف : شتي شنو وقه كي انقد نستحمل هادشي مابقات عندي عائلة
انا : لا متقولش هاكا انا عائلتك و ها ماماك ليلى كاينا
يوسف : هديك مكنعرفهاش معنديش انا ام
انا : بغيتي ولا كرهتي هاديك كتبقا ماماك
يوسف ؛ انا ام هادي لي تخلا على ولدها مقابل فلوس ؟
انا ؛ عندك الحق مي تاهيا كان عندها ظروف عملاه كي كنتي اتكون دبا مغطي مزيان اولا لا واكل اولا لا هي فكرات فيك و بغتك تعيش مزيان
يوسف : دبا نتي معايا ولا معاهوم صافي خليني عليك دبا
انا : ولكن...
يوسف : صافي انور عفاك مفيا ميهدر
مشا و خليتو على راحتو بقيت انا شويا جا شي حد من اللور دار لي شي حاجة ف نيفي خلاتني نفقد الوعي
فقت ف غرفة كالسا فوق كرسي و مربوطا لقييت قدامي كريم
انا : اووف فين انا ؛ اي راسي كيضرني
كريم : مرحبا بيك فداري احبيبة
انا ؛ هدا نتا لاش جبتيني لهنا
ك : غي توحشتك و بغيت نشوفك
انا : طلق خليني نمشي انا مبقيتش باغاك
ك : ولكن انا باغيك و اتبقاي معايا
خرج و مشا جابلي الماء و ماكلا و بغا يوكلني
انا : تفو علييك مبغيت منك والو يا شماتا ماقدش تقبل اني مبقيتش باغاك تفو عليك يا عيفت الرجال
صرفقني و بدا يضرب فيا
انا : نتا ماشي راجل كنكرهك
كريم : ماشي راجل انا نورييك الرجلة د بصح
تحول كريم لوحش تا سميت كريم ميستاهلهاش تقرب مني و بدا يقبلني و اغتاصبني بعنف بلا رحمة و بلا شفقة عييت نقاوم فيك ولكن استسلمت ليه جهدي كامل مشا فقت لقير راسي كلي دمايات و الجسم ديالي كيضرني عرفت بلي فقدت شرفي بقيت كنبكي و نغوت
انا : فييينك يا ولد الحرام فينك يال الكلب خرجتي عليا ضيعتيني ف شرفي يال الحمماار
كريم :هانا حبيبا مالكي ياك جيتي معايا ب ارادتك و ياك كان عاجبك الحال
انا : فين كان عجبني الحال ديعتك الله ضحكتي عليا
كريم : هه صافي احبيبي وا تهدني
انا : كيفاش قاد تكون مرتاح كلب غادي ندمك
بقيت كنغوت و صرفقو و هو يرجعها لي و بدا يضربني عاوتاني
ك : نتي مكتنفعش معاك ضرافات عافتي شنو سيري غسلي ديك الحالة يال الميخة عاد اجي نهدرو ولا ميعجبك حال
نضت و غادة جيهت الدوش بزز لحمي كانت كلها زرقا و مجروحا احساس منتمناه لتا واحد عفت كل بلاصا قاسني فيها دوشت الما كينزل عليا و دموعي تاهوما كينزلو تحطمت بزااف و كرهتو و كرهت نهار لي تلاقيتو ساليت و خرجت من دوش لقيتو كيوجد الفطور
ك : حبيبا اجي تفطري
مفهمتش كي كيقد يبقا مرتاح هاكا بحال الى ماداير والو
انا ؛ لا بغيت نمشي لدارنا ؛ ايكونو تخلعو عليا
ك : لا متخافيش وصيت يسرى تقولهم راك بايات معاها حيت انا و حبي بغينا نبقاو مع بعضيتنا و يلاه كولي دبا باش منتخصموش
بقيت كناكل و ديك ماكلة كتهبط بزز و كريم تاهوا كياكل و مرتااح مع راسو
انا : تاكل فيه السم
ك : ها شنو قلتي
انا ؛ مقلت والو
ك : اوا معرف
انا : ياك خديتي لي بغيتي وا صافي خليني نرجع لدارنا
ك : انرجعك و لكن بشرط
انا : لي هوا ؟
ك : اترجعي و غاتنساي هاد ليلا و تنسايني ف خطرا و لي مهم انا هادشي لي يوقع ماخاصك تقوليه لتا حد اولا انشوهك و را عندي فيديو ديالك كيبين انك كنتي مرتاحا يعني ما بززت عليك والو متعرف بسخن عليك راسك تمشي للبوليس انا را عندي دليل و اصلا را حشوما تشوهي راسك و عائلتك
انا : هئ هئ واخا صافي لي بغيتي
ك : اوا لمصلحتك تبقاي ساكتا حسن متصدقي مشوها
انا : بغيت غي نعرف شنو درت ليك لي توصل بيك الحقارة دير لي هاكا
ك : اوا لالا انا حاسبتك و باش تعلمي ضحكي على سيادك و كتقولي ماشي راجل انا وريتك الرجلة و عاد زايداها مجريا عليا من دار اوا دبا جات نوبتي و دبا خرجي عليا يلاه خرجي من داري
خرجت من عندو شديت طاكسي و مبغيتش نمشي لدار دبا اتجهت للبحر ، البحر احسن بلاصا تلقا فيها راحتك مني تكون مقلق بقيت كاسا و غي كنبكي شويا تحطات عليا يد ؛ كان يوسف لي مقديت نعاود ليه تا حاجة
يوسف : تانتي هنايا شتي حياتنا كي ولات
انا : هئ هئ علاش هادشي كامل كيوقع علاش ياربي هئ هئ
يوسف ؛ تخربقاات حياتنا بسباب كذبة و غلطة مادرنا فيها والو ،
انا : كيفااش انقدو نعيشو كيفاش
يوسف : حياتنا تشتات
تكا على كتفي وانا على راسو
يوسف : ليوم مني مفقتش بالغوات ديالك حسيت بشي حاجا ناقصا ؛ عقلتي ايام لي كنا مدوزين ضحك نشاط ايام كانت زوينة يا ليت الزمن يعود يامات ميتنساوش
كنت كنحس اني احسن انسان حيت عندي عائلة بحال هادي لي صدقات دبا مكتجمعني بيها اصلا تاحاجا
انا : اه كانو يامات زوينة ؛ مي واخا وقع هادشي ماكنت باغا تبدل تاحاجا ولكن ف الحقيقة بزاف د الحوايج تبدلو و لكن لي بغيتك تعرف انو قلبي معمرو يتبدل من جهتك حيت انا انبقا ديما نبغيييك
ك : تانتي انور يا اغلى ما عندي بالنسبة لي نتي اخت صديقة حبيبة ، وا كنحماق عليك اعشيرتي ههه كثرة الهم كيضحك ياك
معرفتش علاش مي ف ديك وقيتا نفجري بالبكا و بديت نشهق
ك : نوور نور مالكي انوور
انا : والو غي هاد المشاكيل كيبكيو
ك : ياكمما كاينا شي حاجة اخرى
انا : لا مكاين والو غي الحقيقة كتصدم
ك : اه و بزااف حياتنا كلها تقلبات
انا : يوسف نطلبك واحد الطلب
ك : لي بغاتو الغزالة ديالي نديرو
انا : بغيت ندزو هاد النهار غي انا وياك بلا منرجعو ليوم للدار بغيت نكونو غي بجوج
ك : هاء صافي هادشي لي بغيتي اوا يلاه نبداو دبا باول حاجة لي هيا الغداء شبانلك نمشيو ناكلو شي pizza و واخدوهاا كبيرة ناكلو مزيان
انا : اه
يوسف : هه اوا يلاه حيدي تغوبيشا انا لي صدفت ماشي خوك و ضاحك كنحاول نسا لي واقع
انا : متقولش هاما عفاك
ك : وا مهم دبا يلاه
مشينا ل restaurant و كالسنا كلينا و كل مرة يوسف كيخاول يضحكني اه يا يوسف انا لي كان خاسني نضحكك و نخفف عليك صدق العكس اه كن تشوف شنو لي واقع ليا و لكن منقدرش نقوليك واخا انا مكنبغي نخبي عليك والو
ك: اوا مالك ساهيا يلاه كولي
انا : اه واخاا
ك : امم شبانلك نمشيو نلعبو
انا : نلعبو هه ملنا را كبرنا دبا ؟
ك : هه يلاه دغيا و باراكا من الهدرة
دغيا خلص و جرني و خرجنا مشينا ا parc
انا : شنو غنديرو هنا ؟
ك : شبانليك انديرو لاش كيجيو ناس هنا ؟
انا : يلعبو
ك : على سلامتك اوا يلااه
بثينا كنلعبو هه درنا عليهم كاملين مخلينا تا لعبة ستمتعنا بزاف و نسينا الهم و غي نشوف يوسف تاهوا فرحان هدا هو المهم ضحيكا دياو زوينة لعبنا و يوسف معياش باقي باغي يعاود درت لو خاطرو و سالينا
انا : غزل البنات youpii
مشيت كنجري جيهت لي كيبيعها و كنعيط ليوسف يجي وانا فرحانا و يوسف غي كيتأمل فيا
يوسف : باقا نفس الحركات الطفولية معمرك تكبري
انا : لاا والو مييام راك عارف شحال كنحماق على غزل البنات
هكا ديما مني كنشوف شي حاجة كتعجبني كنولي بحاال شي طفلة ، ف الحياة حوايج بساط كيفرحونا ياك و تاحد مكره تكون حياتو كلها سعادة ؛ بزااف د ناس كانت حياتهوم غادا مزيان و ف لحظة كتقلب يا اما بسباب خيانة ، مرض ، رفيق سوء ...بزااف د الحوايج و لكن كنساو بلي هادا غي اختبار من عنظ جلالتو و كنتعمقو ف الحياة و كنساو ديننا و صلاتنا ة بلي حنا غي زائرون في هذه الحياة يبقى ف الاخير اما ااجنة اما النار و كل كيبدا يتحاسب ، سامحني يارب ان تعلقت بهذه الحياة و بعبادك و نسيت اننا مجرد زوار ، كاين لي خرج للهاوية و رجع تاب ، كاين لي دار افعال سيئة و ندم رجع لخالقو و لكن كاين شي وحدين لي مكيعرفوش واقيلا سبحانه وحوش في هاد الارض و مكتلقاش عندهم لا شفقة لا خير لا و يمكن انا لي كنقول هاكا كيعني خاصني نعاون كريم و نجنبو من هادشي نفكرو ف الرب ف الحق و لكن مني كنجي نشوف حالتي انا دبا خاص لي يعاوني مصاب نقد غي راسي لازم يكون الواحد متسامح مي معمن مع بشر بحال كريم ؟ و كاينين بزاف منهم ؛ قضية الاغتصاب كلشي كيبغي يغطي عليها فنظر المجتمع البنت هيا ديما لي غالطا ؛ الدري ماعليه والو كيلومو غي البنت انها مقداتش تحمي شرفها و الدري ديما كيحاميو عليه ، اطفال نيت ف هاد البلاد السعيدة كيتغتاصبو بنادم ولا جريء تال هاد درجة معرف باش مسلمين مني يمشيو عند دراري صغار يمكن هاد القصة ماشي واقعية و كنعاود على بنت سميتها نور لي هي خيالية و لكن هادشي كيبقا كاين ميمكنش نكرو كاين ف الواقع ، الوقع المر لي عايشين فيه ، فعلا مني كليت داك غزل البنات فرحت را بصح كيما قلت اشياء بسيطة كتفرحنا فهاد الحياة مني ساليت مشيت عنقت يوسف و كنضحك مزيرا عليه بحال الى ايهرب داز نهار زوين ستمتعنا بزاف و فطريق غاديين للدار
يوسف : انا غنوصلك للدار و انرجع ميمكنش نبقا معاكوم
انا : علاش حنا عائلتك و انبقاو ديما عائلتك بقينا كنهدرو وصلنا للدار
يوسف : يلاه هبطي باش نمشي
انا : لا ماهبطاش تاتجي تانتا
يوسف : صافي انور را هدرنا
انا : هه اه مي شوف ها بابا جاي جهتنا يلاه هدر معاه
هبطنا بجوج من الاوطو
با با : ولدي يوسف
يوسف : الصمت
بابا : راني عارفك مقلق مني بزاف سمحلي اولدي سمحلي عفاك
يوسف : معمري انقدر نسامحك نتوما دمرتو لي حياتي
بابا : عفاك اولدي لا مفهمني انا مكنتش باغا يوقع هادشي معمري فكرت اني نفرق ام على ولدها و مقبلتش بيك نهار اللول و مكنتش قابل على هادشي لي كانت كادير مي نهار على نهار ولفتك و نسيت gاع بلي نتا ماشي ولدي و تا نهار تزادت نور معمري درت فرق بيناتكوم نتوما بجوج ولادي و اتبقاو ديما ولاديي ، سمحلي اولدي كنترجاك تسمحلي و ها ماماك الحقيقي لداخل تاهيا بغات تسامح معاك
يوسف : صافي انا مسامحك ابابا كيما كان الحال نتا عيشتيني احسن عيشة واخا ماشي ولدك و لكن ديك ليلى معمري نسمح ليها
با با : غي حاول اولدي تسمعها بعدا تاهيا عدرها و كيما كان الحال هيا كتبقا ماماك و حاملين نفس الدم
انا : اه ا يوسف على وجهي دخل سمع ليها بعدا
دخلنا غي شافتو ماماه ليلى طارت عليه كتبكي و تعنق فييه
ليلى : ولدي ولدي توحششتك بزاف
دفعها و قالها تبعد منو
ليلى : عفاك اولدي خليني نعنقك خليني نشم ريحتك راني موحشاك بزااف
يوس : بعدي لهيه كن كنتي ام متخلايش على ولدك
ليلى : مكان عندي منديير اولدي باك هو السباب الله ياخد فيه الحق هو السباب هئ هئ انا نعااود ليك كلشي اولدي
يوس : يلاه سربي
ليلى : كنت بحال gاع الناس عندي عائلة و ساكنين مجموعين وانا كنت كنقرا ديك وقيتا ف اولى باك كان فيما كنخرج من الليسي كيجي عندي بدا عليا بكلام الحب تا عمر لي راسي و تقت فييه كان هو بالنسبة لي كلشي كانت كنبني فراسي افكار ان شي نهار انكونو انا وياه عائلة و لكن مشيت كنت واتقا فيه لدرجة متصورش و هو عرف كي يلعب عليا ف اول فرصة شدني ة اغتاصبني هئ هئ ضيع لي شرفي ف ديك وقيتا بكيت و لكن هو طمعني و قالي بلي غنتزوجو و مشا من داك نهار معاودت شفتو ضحك عليا و ضيعني ف مستقبالي عييت منخبي على دارنا هادشي و لكن داز الوقت و تفرشت جراو عليا من دار و بقيت غي مليوحا كنت كانبات غي ف الزنقة ف ايام لولا تا جات عندي واحد المرا كبيرة ف السن داتني معاها تاهيا كانت غي على قد الحال و لكن عشت معاها بلي قسم الله تا قرب وقت ولادة كنت كنفكر ديما كفاش انربيك و شنو انوكلك اتموت غي بالجوع و الرضيع خاصو مصاريف وانا معندي فلوس تا جات هاد المرا عتقاتني( كتنعت ف ماما ) مرزقهاش الله بالولاد ولكن هي عندها فلوس تربيك بيهم اما انا واخا ولدتك كي كنت انربيك كن مقبلتش العرض ديالها ؟ ضحييت على قبلك اولدي كنت بغيتك تعيش مزيان و صبرت راسي على فراقك ؛ واش كتخايل انه كانت ساهلا عليا ، ديك وقيتا تا من المرا لي كانت معاها توفات و ولدها لي سنين و هما غابرين طمعو ف داك البيت لي فيه و قالولي نخرج منو ماكان عندي تا اختيار اخر والو قبلت الفلوس حيت انا مكان عندي فين نمشي ولا مناكل و مبغيتكش اولدي تكبر ف الزناقي الله يخليك لاما فهمني ؟
يوسف ؛ الصمت
ليلى : جاوبني اولدي جاوبني
انا تأثرت بالقصة ديالها و فكرت لايوقع لي بحالها و نحمل و الا عائلتي تخلاو عليا و مبقاوش باغييني خفت لايطرا لي كيما طرا لخالتي ليلى لا ميمكنش حيدت دوك افكار من راسي
انا : يوسف صافي عدر ماماك
يوسف : واش عرفتو شناعيا نكون انا ولد الحرام ؛ و علاش مقلتييش لهداك لي ضحك عليك بلي حاملا
ليلى: را باش قلتها ليه نكرني و من تما و هو غابر وانا كانت حالتي حالا و مكانش عندي كي نوصل اختفى و معودتش شفت وجهو قالولي شي ناس بعد سنين خرج من المغرب و مشا للخارج
بابا : وا صافي دبا خلينا من هادشي و خليونا نتصالحو و من دبا الفوق ليلى تعيش معانا نوليو عائلة وحدة
ماما : كفاش كفاش هادشي لي كان ناقص ياك تجمعوا بجوج اوا صافي كلا يمشي لاصلو و دارو
انا ؛ ماما حشوما
يوسف : اه سمحولينا كيما كان الحال خصنا نقلبو انا و ماما فين نسكنو و نمشيو من هنا
بابا : لا اولدي هادي داركم معندك فين تمشي و نتي الى معجبكش الحال دبري راسك انا الراجل ديال الدار صافي قلت ايبقا هي ايبقا
ماما ديك ساعا تحرجات و مشات للغرفة ديالها وانا بغيت نلطف الاجواء
انا : يوسف ياك دغيا سخيتي بينا كنتي باغي تمشي
يوس : لا ماشي هكاك
انا : هه صافي مهم مرحبا بيك اخالتي ليلى دار دارك
ليلى : ربي يخلييك ابنتي
بابا : بنتي جهزي ليها غرفة الضياف اتولي ديالها
انا ؛ واخا ابابا
ليلى : انا نمشي نعاونها
يوسف : لا اماما غي gلسي نتي انا نمشي
خاط عليا يوسف و بدا كيرتب البيت و هو فرحان كنا كنصوبو داكشي تا حسيت بالتقية مشيت كنجري نرد
يوسف : نور نور مالكي يلاه نمشيو للطبيب ؟
انا : لا بلاش انكون غي كليت شي حاجا مناسباتنيش،
دازو ايام و خالتي ليلى بدات تولف ولات وحدة منا ، يوسف تاهوا كان فرحان، ماما بدات كتطلق و ولفات ، ، يسرى ولات كتخرج غي معا رضى ، اكرام سافرات هي و عائلتها للشمال يدوزو العطلة اما انا فكنت حالتي كاتزاد نهار على نهار كا مرة كنرد اولا كنسخف تال واحد نهار كنت غي انا و يوسف ف دار ، ماما و بابا خدامين و خالتي ليلى خارجا ، كنت مجمعة مع يوسف غي نضت وانا نسخف
بقيت كنسمع غي يوسف كيسولني مالي تا غيبت ف خطرة فقت لقيت راسي ف الكلينيك و يوسف حدايا
انا : يووسف فين انا
يوسف : نتي ف الكلينيك رتاحي شويا و يلاه نمشيو
انا : علاش شنو واقع لي
ناض خرج بلا ميجاوبني و كان باينا فيه معصب
ركبنا ف الاطو طريق كاملا و حنا ساكتين تا دخلانا للدار و طلعنا للفوق وانا نقطع هاد الصمت
انا : فهمني ايوسف شنو واقع
محسسيت براسي تا جاتني واحد تصرفيقة من عندو خلاتني نبقا مصدومة معمرو حط عليا يدو
انا : هئ هئ يوسف مالك
يوسف : شكون دار فيك هادشي ؟ يلاه دوي كريم ؛ مشيتي عطيتيه لحمك خليتيه يقيسك
انا : نتا راك معاارف والو صافي جمع راسك و براكا متبقا تحاسبني نتا راك مشي خويا اولا صافي دغيا تيقتي راسك
يوسف : اه نسيت عندك الحق انا والو بالنسبة ليك
مشا و هو معصب ؛ عرفت بلي جرحتو بزاف مكانش خاصني نقول هاد الهدرة تبعتو لبيتو نطلب منو سماحا لقيتو متكي و سااهي
انا : يوسف عفاك سمحلي مقصدتش
يوسف : الصمت
انا : عفااك ايوسف
يوسف : الصمت
انا : هئ هئ يوسف عفاك الله يخليك نتا لي فخبارك دبا عففاك نتا لي تقد تعاوني
يوسف : صافي صافي منقدش نبقا مقلق عليك دموعك غاليين
انا : سمحلي عفاك
يوسف : صافي و لكن شنو اديري فلي ايتزاد
انا : كفاش
يوسف : راكي حاملة
انا ؛ واش بصح هئ هئ لا كي اندير ؛ داك الحيوان اغتصبني و خلاني نحمل يا ربي اش هادشي كي انقد نستحمل
يوسف : صافي يلاه نمشيو لعندو
انا : لا منقدش اصلا قالي يلا قلتها لشي حد ايشوهني عندو فيديو مصورنا فيه
يوسف ديك ساعا ضرب ف حيط
يوس : تفوو ولد الكلبة عارف شكايدير مي واخا هكام يلاه متخافي من والو كوني قوية
شدينا طريق لدار كريم عيينا مندقو عليه و والو
يوسف : ايلا سميتك راجل خرج يلاه خرج
انا : بانلي مكينش غي يلاه نمشيو
يوسف : بلاتي بلاتي
انا : شنو
مشا جيهت واحد محبقة كاينا قدام باب دار لقا تحت منها ساروت خداه و مشا حل الباب غي دخلنا كانت صدمة قوية منظر معمري شفتو فحياتي
انا : يوسف ناري شنو هادشي
يوسف لي تاهوا كان فدورو
يوسف : عيطي ل ambulance دغيا يلاااه
انا كنكتب نمرة وانا كنترعد
انا : واخا واخا
يوسف:سربي
عيطت ليهم و جاو شافوه مي والو جبدو داكشي ديالهوم و صاوبوه مي والو هدر معانا واحد فيهم
هو : للاسف كنخبركم انكم تعطلتو بزاف اللله يرحمو مات
صدماتنا هاد الخبار ؛ كيفاش بنادم ضعييف تال هاد ظرجة مقادش يحارب و معندوش رغبة ف الحياة كفاش انسان تعطيه نفسة يقتل راسو روحو ؛ دغيا يستسلم رغم داكشي لي دار فيا الا انو منكرش انو بقا فيا واخا هكاك كيبقا انسان بحالنا فحالو فكرت فولدي اولا بنتي مني نولدهم شنو انقول علا باه ؟ كي انقدر نقول هادشي انقول بلي كان ضعيف تال هاد درجة ؟ وانا غارقا ف افكاري لقيت واحد الورق فتحتها عرفتها بلي موجهة ليا
"" الى عزيزتي نور ، عندما تفتحين هذه الرسالة في هذه اللحظة تكونين قد عرفت انني انتحرت ، اعرف ان ما فعلته بك لا يمكن غفرانه حتى انا لا يمكنني مسامحة نفسي فكيف انتي يمكنك مسامحتي ؛ بعد فعلتي تلك ندمت كتيرا و بدات اعاتب نفسي على كل ما فعلته لك تصرفت بوحشية احسست اني اشعر بالحب تجاهك لكن لا بد ان ذلك ليس حب ولا اعرف معنى الحب ؛ عرفت اني ارتكبت اكبر خطأ لما اضعت لك شرفك و علمت اني استحق الموت ، ارجوك تذكري صورتي فقط بالايام الاولى التي تعرفنا فيها و لما قمنا بالسباق و لم ارى الشرطة فعلا كانت ايام جميلة معك ارجوك ان تتذكريني فقط بتلك ايام ، لا اعرف احساسك الان ان كنتي تقولين اني اتحق ان اموت ام تقولين اني ضعيف و لم اقدر ان اواجه الامر ، اذ كان هكذا ففعلا انا ضعيف جدا لانني لم املك الشجاعة حتى على مواجهتك و بالنسبة لما هددتك به فقد كان كذبة فانا لم اخد لك اي صورة و لا اي شريط ، ارجوك ان تسامحيني و ان تكملي حياتك باحلام و امال اخرى و ان تكوني سعيدة ارجوك مع السلامة يا اجمل نور رأتها عيني
فديك الساعا حسيت باحساس غريب، كل حاجة كتزيد تصدمني كتار كانو هزينو قدامي مخرجينو وانا كنشوف فيه شاب فهاد العمر مات ، غاديين بين وانا كنقول فنفسي
-انا مسامحاك اكريم مسامحك
رغم داكشي لي دار فيا سامحت ليه معرفتش علاش و لكن بقا فيا مكنتش باغا نوصلو تال هادشي مشا كريم مشا اب ولدي ، مشا بلا ميعرف بلي عندو ولد مني ، مشا و خلا طرف منو
يوسف : نور يلاه نخرجو من هنا
انا : واخا هانا جايا
بقيت كنتأمل فصوارو
- بسلامة عليك اكريم كنواعدك اني نتفكر غي بصورة داك الصديق الظريف
خرجنا من دارو و مشينا اولا عطينا اقوال ديالنا للبوليس حيت حنا اول وحدين شفناه من بعد باش نتاحر خرجنا من مركز الشرطة و يوسف كيحاول يخفف عليا
يوسف : امم شبانليك نمشيو ناكلو فشي بلاصة
انا : لا بلاش مافياش
يو : اوا انا فيا جوع شنو زعما تخليني نمشي ناكل بوحدي
انا : لا يلاه واخا نمشيو
كلسنا طلبنا لي بغينا يوسف بدا يامل وانا غي ساهيا
يو : فاش كتفكري ؟
انا : كنفكر دنيا شحال غريبا كنا عايشين هما هادوك تا فنهار تبدلات حياتي و تقلبات ف نهار وقعو بزاف ديال احدات و كنفكر فولدي لي ايعيش بلا اب و كنفكر ف دارنا واش ايتقبلو هاشي لي وقع و واش ايسامحوني عاى هادشي واخا انا مدرتش هادشي بارادتي كنفكر كي انقد نعيش و الا تخلا عليا كلشي
يوسف : متخافيش انا ديما معك و مغاديش نخليو شي حد يعرف
انا : كي انديرو وانا كرشي اتولي تبان مع الوقت
يوسف : نور عندي ليك اقتراح معرفتش واش تقبلي الى مبغيتيش متقبليش مي نتي كتعرفيني مزيان وانا باغي نعاونك
انا : شنو قول
يوسف : حنا دبا عرفنا راسنا ماشي خوت يعني هانيا الى وقع هادشي...
انا ؛ ويي كمل
يوسف : شبانليك زعما نتزوجو انا وياك و كلشي ايعرف بلي لي فكرشك را ولدي ؛ نتزوجو دغيا قبل ماتبدا تبان كرشك
انا : الصمت
يوسف : نور صافي الى مبغيتيش بلاش
انا : ولكن انا انكون انانية الى درت هاكا اندمر ليك حياتك
يوسف : لا متخافيش نتي اهم من كلشي و على ودك ندير اي حاجة نتي روحي من ديما كنتي فيك ختي و فيك حبيبتي فيك ماما فيك كلشي وانا باغي نعونك الى معونتك انا شكون ايعاونك
انا : و ابتسام ؟
يو : نتي باقا كتفكري فيها انا و نسيتها صافي نساي علينا هاديك
انا : باقا كاينا حاجة اخرى ، صاحبتي يسرى !
يو : مالها
انا : كنظن بلي كتبغيك اتكرهني الى تزوجت بيك
يو : نتي هاد طيبوبة د قلبك شي نهار اتخرج عليك ديما كتفكري فالناس فكري فراسك شويا و اصلا معندي مندير ليها حيت معمري انبغيها حيت كنظن (و هدر بشويا ) قلبي خداتو وحد اخرى ..
انا : شنو قلتي !
يوس: قتلك بلي مستحيل تكون بيني و بينها شي حاجة و دبا جاوبي شنو درتي
انا : ف الحقيقية معندي مندير انا قابلا نتزوج بيك واخا معرفتش كي انتصرفو ف المستقبل و حنا تربينا خوت
يو : المهم هو دبا من هنا لديك الوقت يحن الله ههه يا مراتي
انا : حمق هدا اوا فكر يا من وحلتيها دبا كي انقولوها لعائلتنا ايتصدمو
يو : هه وياه مهم غانقدو نقنعوهم اصلا باباك و ماماك ميلقاوش حسن مني هه
انا : هه كاينا
يو : مهم يلاه نمشية دبا نقولوها ليهم
انا : اوكي واخا راني خايفا
باسني ف جبهتي و قالي
-متخافيش انقدو نقنعوهم
مشينا للدار لقينا ماما و بابا و خالتي ليلى كالسين كيتفرجو دخلنا سلمنا و هو يبدا يوسف
يوسف : بغينا انا و نور نهدرو معكم ف واحد موضوع
ليلى : خبار خير اولدي شناهوا الموضوع
يوسف كيظوي و هو كيبتاسم
يوسف : غي الخير اماما غي الخير
بابا : اوا ولدي يلاه سمعنا شكاين
يوسف : عارف بلي حنا تربينا انا و نور بحال ااخوت ولكن ف اخير حنا ماشي خوت
بابا : اييه عارفين مي حنا ديما معتبرينك ولدنا
يو : عارف عارف ، و لكن ماشي هدا هو الموضوع
انا : صافي غي قول
يو : بغيت نتزوج نور على سنة الله و رسله ، طبعا من بعد موافقتكم
ليلى : يو يو يو يو ولديي را متلقااش حسن منها مبروك عليك
ماما : كيفااش كيفاش نتوما بحال خوت
انا : ماما هانتي قلتيها بحال خوت يعني كيجوز نتزوج بيه
ماما : شو البنت مبقاتش تحشم ، لا ميمكنش
بابا : سكتي نتي ، انا قابل بهادشي منلقاوش حسن منك اولدي وانا متأكد انك اتخليها سعيدة مافيهاش شك ، مبروك عليكووم وانا متسالوني غي ندير ليكوم احسن عرس على شحال عندي من نور و شحال عندي من يوسف ؛ الله يفرحكم ا وليداتي
يوسف ؛ امين امين
مشيت بست لباب راسو
انا : الله يخليك ليا يا احسن اب و شكرا حيت قبلتي
ليلى : اوا مادام الدراري بجوج قابلين ماعلينا غي نقراو
الفاتحة
ماما : مخليتو لي منقول نقراوها
من بعد ما قبلو قررنا نديرو خطبة رسمية و من بعد 2 سيمانات ضريب صداق و العرس جاتهوم قليلا ولكن انا و يوسف كان خاسنا نزربو باش منتفضحوش
حضرنا الخطبة و عيطت ليسرى و اكرام يجيو هوما و عائلتهم بحكم عائلتنا كاملا بعيدة شي ف مدينة بعيدة و شي ف الخارج و صحاباتي هما لي كنعتبرهم عائلتي
لبست ف الخطبة قفطان blanc cassé و درت شويا ديال مكياج و هاد نوبا درت مشيطا جنب جيت زوينة و صافي هه من بعد ماوجدت جات عندي للغرفة ديالي خالتي ليلى لي ولات هي دبا ام تانيا ليا هدرنا انا وياها شوية و بدات توصي فيا نتهلاو فبعضياتنا انا و يوسف قبطت فيها و هبطنا انا وياه كان كلشي جا يلاه هابطين كنت هيا هاديك تا واحد وقيتا حسيت بيها زيرات عليا ، مني هبطنا و هي فشكل ركبنا الخوتم و سالينا كندور جيهتها كنلقاها كتشوف ف بابات اكرام لي كان هو كما مسوق ليها دازت الخطبة مزيانة خرج كلشي و بقات غي عائلتنا غي خرجو و هيا تسخف ليلى مشؤينا كنفيقوها
يوسف : ماما مالكي متخلعينيش عليك
ماما : مالك اختي شنو وقع ليك
بقات غي كتبكي و حنا مفاهمين والو
ليلى : محمد هئ محمد
يوسف : شكون هدا ؟
ليلى : باك اولدي بااك
يوسف : هاء و شنو فكرك فيه دبا ياك هو معمرو تسوق ليك اوا صافي
ليلى : لا مفهمتيش
يلاه جات تهدر و هو يدخل بابات اكرام
بابا : سي محمد ياكما نسيتي شي حاجة ؟
محمد : ها لا
بقا غي كيشوف ف ليلى و هي غي كتزيد تبكي
محمد : معرفتش مي وجه هاد المرا مغريبش عليا
انا : خالتي ليلى واش كتعرفيه ؟
ليلى : لا مكنعرفوش
محمد : سمييتك ليلى ياك واش معقلتيش عليا
يوسف : فهموني شنو واقع هنا
ليلى : مكاين والو اولدي
مشا محمد كيقرب جيهت يوسف و كيقيس لو فشعرو و ف وجهو
محمد ؛ مشاء الله غزال
ليلى : بعد منووو بعد متحطش يدك عليه
فديك وقيتا دار لي هادشي فراسي و فهمت البلان انا محمد بابات يوسف
يوسف : فهموني شواقع
انا : يوسف هادا را باباك
يوسف : كفاش هادا را بابات اكرام
انا : يعني اكرام را ختك من باك
المناقشة بيناتهوم استمرات و لكن والو بلا نتيجة و بقا عمي محمد سيمانا كاملا و هو كيجي كل نهار لكن يوسف مبغاش يسامحو تا اكرام و ماماها تصدمو بزاف لكن ف الاخير قدر يقنعهوم محمد
انا : يوسف انا كنظن بلي خاسك تسامح باباك واخا كلشي هو كيبقا باباك
يوسف : ولكن هو تخلا عليا
انا : اييه عارفا مي دبا راه ندم
يوسف : معرفتش
انا ؛ صافي ا يوسف غي توكل على الله
بالفعل من بعد يومين تصالحو و ليلى تاهيا سامحتو مي مارجع بيناتهم تا علاقة بيناتهوم غي ولدهم يوسف كيما كان الحال هو مزوج ، درنا ترتيبات العرس و جا العرس داز زوين واخا عييت ولكن شدييت فراسي تا يوسف داير بالو معايا دازت ليلة زوينة كل مرة كنبدل تكشيطا و لبست ف الاخير كسوة بايضة و يةسف بحال ديما جا انيق بالكوستيم ديالو هه كان ف كل لبسة كيهمس لي فودني بلي جيت زوينة اصلا كل تكاشط كيحمقو ، العائلة كلها تجمعات صافي تزوجت انا و يوسف وانا فرحانا ، سالينا العرس و مشينا لدارنا لي كانت cadeau من طرف عمي محمد ، واخا حاملة مشينا دوزنا شهر العسل ديالنا فتركيا هه و لكن حنا دوزنا غي سيمانا هه حيت كان خاص يوسف يبدا قرايتو اما انا بسباب الحمل دوزت annee blanche , خبرنا واليدينا بلي انا حاملة فرحو بزاف مساكن الله يخليلي يوسف قد يحميني و خلى هاد السر بيناتنا ، يوسف بدا القرايا و بدا يخدم ف الشركة ديال باه لي دار شراكة مع احد المستثمرين هنا في المغرب و قرر يستقر هنا ، يوسف جابلي خدامة لي تبقا معايا بحكم هو ولا مشغول بزاف مع القرايا و الخدمة ، معرفتش و لكن مع ايام وليت كنحس بشي حاجة من جهتو فوق من اخوة انما حب اه حب و كما كان الحال هو دبا راجلي و عندو حق فيا ، صبرت تا صبرت و قررت واحد الليلة نفاجأو لبست احسن كسوة عندي ف الحمر صاوبت شعري و وجدت ليلة رومانسية درت عشاء و زوقت la table بالشموع و الورد الحمر غي دخل و هو يتصدم مفهم والو بقا غي كيشوف ديك ساعا شوفاتو وتروني
انا : امم صافي صافي مكنش خاسني ندير هادشي و نتا باقي معتابرني بحال ختك
يلاه كنت غادا و هو يجرني و عنقني
يوسف : نور انا كنبغيك
انا : تا انا بزاف
يوسف : ياك فهمتيني هه كنبغيك حب زعما حب ماشي اخوة
انا : ههه ععرفت ايوسف و تانا كنحماق عليك يا احسن زوج
ف تلك اللحظة قرب مني و بدأنا نقبل بعضنا بكل حب عشق ، دازت ليلة رومانسية بكل المقاييس و حيدنا العوائق لي كانت بيناتنا كنحمد الله لي رزقني راجل بحال يوسف لي ديما كيفهمني بلا منهدر ، بابا و ماما بقات عايشا معاهم ماما ليلى ؛ اكرام مازال مدخل تاحد لحياتها و تقبلات يوسف خوها اصلا ولاو مفاهمين مي هي قررات ترجع لفرنسا تكمل قرايتها ؛ اما واحد يسرى عرفات انه معمرها كانت حاسا بشي حاجة جيهت يوسف و جا رضى خطبها ، رغم gاع هادشي لي داز علينا قدينا نفرحو ف اللخر و تغلبنا على المشاكل
انا : اوووف انولد واقيلا دبا يوووووسف يووووسف
يوسف : اه شنو كفاش ناري ش اندير نعيط للاسعاف ؟ لا لا نديك انا ؟ و لا نعيط لمامااا لاا بابا
انا : وااااا سربيييي عتقنييي رانقتلك سربيي منين كتفهم مكلخ نتا مكلخخخ
يوسف تلف بدا كيتفتف جا هزني ركبني ف الاطو و مشيناا للمستشفى دازت عليا ولادة قاصحة لكن غي شفت ولدي نسيت كلشي كان زويون ؛ تا يوسف كان فرحان بيه ؛ قررت نسميه كريم و يوسف قبل بدون تردد ، بقا ديما كيعاملو بحال ولدو داير ليه ديما خاطرو و معمر يوسف شكا منو ولا خسر لي خاطري مكيدكرش كاع بلي هادا ماشي ولدو ، حتى انو كنا قررنا مني يكبر كريم نقولو ليه بلي باباه مات موتا د الله و انو كان باغيه بزاف باش ميتولدش فيه كره تجاه باه لي مات ، بعد 3 سنين زدنا بنيتا سميناها اسراء ؛ رغم ولادتها يوسف مكانش داير فرق بيناتهوم فعلا سعداتي حيت عندي راجل بحالو كل مرة كنزيد نبغيه و هكذا بقا سرنا بيناتنا و عشنا حياة سعيدة .
النهاية