ماما!! ماما نجحت!!... مارداتش ليا لبال مشيت حداها وعنقتها وانا غانموت بالفرحة...ماما!!، شافت فيا وعينيها ماكيبشروش بالخير..ماما مالك؟
ماما:خوك..كان لاعب ماتش وطاح تهرس فرجلو..
انا:اها اوا!
ماما(دفعاتني):كيفاش اواا راه خوك تهرس مسكين وراه كانتسنا باباك يجي من لخدمة باش يوصلني لمشفى
انا:ولكن اماما ...انا نجحت
ماما(دفعاتني وهي معصبة):مزيان ودابا بعدي مني بابا جا...
هادا هو الحوار لي كان كيدور ديما بيني وبين ماما فينما كاندير شي انجاز..كيحطمو لي فرحتي . علاش؟ حيت خويا دار شي زبلة ماعرفتش علاش هاد التمييز كلو واش حيت انا بنت؟ وعلاش زعما شنو لفرق بيني وبينو انا بنت وهو ولد انا ناجحة وهو فاشل،شكون كيستحق الاهتمام انا ولا هو؟...اجتاهدت وقريت مزيان ماشي على قبلي..لا غير باش نرد لاعتبار لراسي...ونفرض وجودي نجت فلباك الحمد لله وجيت انا الاولى فمدينتي هاد لمرة ماقدروش مايشاركونيش فرحتي...حيت لقضية فيها الاخبار وغانتشهرو هههه ، حنا عائلة على قد لحال ماعندناش وماخاصناش ولكن نقدر نقول حنا فقراء قدام هادو لي كانقرا معاهم..دخلت لواحد لجامعة كيقراو فيها غير شكون وشكون ، كنت فالداخلي حيت لجامعة فمدينة بعيدة ، كنت كانقول دابا غادي نتهنى من الظلم والحكرة ولكن كنت غالطة حيت دابا عاد غادي نذوق العذاب الحقيقي...كانت معايا واحد لبنت فنفس الغرفة هي لبااااس عليها ولكن متواضعة بزاف الحمد لله لي جات معايا فنفس الغرفة ولينا صحابات ...فقنا الصباح وكانت عندنا اول حصة بعد ساعة
بسمة(كاتشوف فيا وانا كانقاد حجابي):ياختي كيف كاديري ليه كيجيك زوين..
انا(كانوريها الطريقة):راه ساهل هانتي شوفوني ...وهادا لي بقا ليك شايط كادوزيه من هنا..وتشديه هنا ..
بسمة:صافي صافي دوختيني ههههه
انا:هههههه اودي اودي على لي غادي تعلم
بسمة(شافت الساعة):اوه باقي لحال يلاه نمشيو نفطرو ونيت نعرفك على الجامعة
انا(متحمسة):هههه اووك
مشينا نفطرو وبقات كاتعاود ليا على حياتها
بسمة: بابا رجل اعمال مهم ولكن عمرو حسسني بالحنان ...راك عارفة قوة الخدمة ..ماما حاضية غير لموضة خاصها دير اي حاجة باش تبان انيقة..ههه اوا عاودي ليا على راسك
انا: راك شفتي كلشي فالتلفاز هههه ماما هي لي كاتحكم فكلشي بابا شخصيتو ضعيفة مسكين..اما خويا عقلو صغر منو هههه طايش بزاف
بسمة:هههه وي
بداو كيدخلو الطلاب وكل واحد كيدخل كيبقا يشوف فيا ويضحك...يمكن على اللباس ديالي حيت كان لباس موحد عبارة على صاية قصيرة لبنات وسراول لدراري وقميجة بيضة...ومع انا دايرة لحجاب اضطريت نلبس سروال بحال الدراري...مهم دخل الاستاذ وبانت ليا بسمة بحالا تصدمات
انا:بسمة مالك؟؟
بسمة(مخرجة عينيها):مايمكنش!!
انا: بسمة شنو واقع!! شنو لي ماميكنش؟
خرجات من القاعة والاستاذ بدا كيدور فعينيه ....دازت ديك الساعتين بحال عامين عندي...واخيرا دق الجرس (كانت اغنية بلاصة الجرس هههه) خرجت كانقلب بعيني على بسمة وهما يبانو ليا مجموعة من الدراري جايين عندي
الشاب 1:اهلا الزوينة هههه مرحبا بيك معانا
الشاب 2: الا اصاحبي قول فين الزوين واش ماكاتشوفش مزيان ههههههه
بقاو كيضحكو عليا تعصبت وانا ندور الشاب 2 عندي جمع الضحكة وبقا كيتسنا يشوف شنو غاندير...ماعرفتش كيفاش تجرأت ضربتو واحد الضربة معمرو إنساها وهربت لحديقة وانا كانسمعو كيغوت وكلشي كيضحك عليه، خرجت لحديقة وانا كانهج وهي تبان ليا بسمة كالسة وعينيها منفوخين بالبكا
انا(كلست حداها):بسمة!...
بسمة(قاطعاتني):رجاء عافاك...ماباغاش نهضر
بقيت كالسة حداها وكانحاول نضحكها تفكرت شنو وقعي ليا وعاودتو ليها
بسمة(انفاجرات بالضحك):وايلييي...اجي بعدا شكون هادا
انا:هههه والله ماعرفت ..هو قميجتو حال فيها النص هههه باغي يتباها بعضلاتو...وكون غير كانو عندو انا صحيحة عليه هههه
بسمة(خرجات عينيها فيا):اواااه ماتقوليهاش...واش عينيه خضرين..؟؟؟
انا: ااااه هوو!!..اجي باش عرفتيه!؟
بسمة(ضرباتني لراسي):هههه ويلي اصاحبتي شكون ماكيعرفش جاد....راه خو سما هههه تاهو واحد الذئب منو ماكان كتر من ختو..
انا:هههه اش هادشي ها سما ها جاد بغيت غير نعرف شكون مسميهوم...على قلة الاسماء هههه
بسمة: هههههه والله حتا علام انت...مهم هاني علمتك ردي بالك منهم...
انا:اجي بعدا..منين كاتعرفيهم؟
بسمة(تنهدات):قصة طويلة...
انا:غير عاودي ليا...ماعاندي مايدار اصلا..
بسمة:هههه اوا عنداك غير نجيب ليك النعاس...المهم.. كنت انا وسما صحابات ماكانتفارقوش..
انا(قاطعتها):اوواه انت وهاديك...كيفاش!!
بسمة:الى غاتقاطعيني هاكا ديما..بلا مانعاود ليك
انا:لا لا غير عاودي هاني ساكتة
بسمة:مهم كنا انا وياها صحابات وكنا كانعرفو كلشي على بعضياتنا...وكنتحتى انا بحالها يعني شريكتها فالجرائم...كنا ديما كانحتاقرو بنادم وكيعجبنا نفضحو الناس واحد
بسمة كلسات حدايا وبدات كاتعنكشني حتا حطيت لكتوبة وبقيت مجمعة معاها هههه...
بسمة:شنو بان ليك نخرجو شوية...ونيت تشوفي جمال فاس
انا: لا لا غير خلينا
بسمة:نوضييي ...واش جاية حتال فاس وماتمشيش ل"برج فاس" لا لا حشووومة
انا:شناهو هادا تاني؟؟
بسمة:هممم تقدري تقولي بحال "Morocco Mall" غير هو صغير شوية
انا:هههه واخا يلاه واخا ماعرفت حتا واحد فيهم
بسمة:ههههه كارثة انتي...مهم نوضي بدلي عليك
بدلنا حوايجنا ومشينا فلوطو ديال بسمة..دخلنا تما كان عالم اخر، داكشي عمرني شفتو غير فالافلام اش منك يا حوايج واش منك يا صبابط بقيت غير حالة فمي...دخلنا لشي بوتيكات وبدات بسمة كاتقيس وتشري
بسمة:ماغاتخدي والو؟
انا(حشمت نقوليها ماعنديش فلوسهم):لا ماعجبنيش هادشي
بسمة(عاقت بيا):حتا انا ماعجبنيش (ردات داكشي لي كانت هازة) يلاه نمشيو من هنا
انا: لا غير شري انتي...ماكاينش لاش تحرمي راسك على قبلي
بسمة:اوك ولكن بشرط..
انا: شنو..
بسمة: نشري ليك معايا شي حاجة
رفضت فالاول ولكن بعد اصرار بسمة وافقت شرينا بزاف ديال الحوايج ...من بعد دزنا لماكدو كلينا ورجعنا لحرم...طلعت انا وخليت بسمة فبارنكينغ تحط لوطو ديالها..فطريقي تلاقيت مع جاد مع واحد لبنت...غير شافني قبلها امشات وهو يجي عندي انا(شاداني لخلعة ولكن مخرجة الجبهة ههه):مسينا على الله..
جاد:نعام..قلتي شي حاجة
انا: وانت مالك!!
جاد(شدني من يدي ودفعني حتا حسيت بضهري لسق ما الحيط):عنداك يسحابليك راسك نسيت ليك هاديك الفعلة...والله حتا ندمك
انا(كانتوجع ولكن مامبيناش):اصلا داكشي لي كاتعرف انت ...الشماتة تفوو طيحتي الذل على الرجال
يلاه بغا يجمعها معايا بتصرفيقة جات بسمة كاتجري وحبساتو
بسمة:جمع يديك ولا نقطعها ليك...رجاء دخلي لبيت هاني تابعاك
طلق مني ودخلت وانا كانحك فيدي هههه
بسمة(مخنزرة فيه): غادي تبعد منها ولا نفضحك انت واختك...
جاد:هاهاها خلعتيني...واقيلة ماكفاتكش الشوهة ديال داك العام.. بسمة:الشوهة هي لي غاندير ليك...واقيلة نسيتي راسك ... جاد(تفكر لفيديو وهو يسد ليها فمها): ششش...صافي سكتينا...(وشا) بسمة(دخلات لبيت وهي معصبة):من الاحسن بعدي من هاديك الطبقة انا:اوك دخلت دوشت و نعست حيت غدا خاصني نفيق بكري حيت عندي الرياضة فقنا الصباح صليت الفجر ولبست حوايج السبور ومشينا للملعب...داز نهار زوين مع ماشفتش هادوك القماقم..كلسنا كانتغذاو انا وبسمة حتا جا عندنا واحد من هادوك لي كانو ما جاد لبارح الشاب:السلام عليكم... بسمة:اهلا طارق لباس؟ طارق:الحمد لله وانت؟ بسمة:بيخير...هادي رجاء الطالبة الجديدة..رجاء هادا طارق طارق(مد لي يديه):متشرفين انا(خليتو بلاكة وخنزرت فيه) طارق(حشم جمع يديه ومشا):نخليكم دابا بسمة:مالك معاه..علاش ماسلمتيش عليه انا:ياك قلتي ليا نبقا بعيدة على هاديك الطبقة...وراه هادا من طبقة جاد بسمة:هههه ولا ...راه غير كيكون معاهم ولكن راه ضريف انا: مهم ...خلينا منهم انا شبعت ..نشوفك فالمحاضرة نضت كانتسارا فالجامعة وبديت كانكتاشف اماكن جديدة هههه بان ليا واحد الباب مسدود ومكتوبة فيه"ممنوع الدخول" ومع ختكم فضولية هههه يلاه بغيت نحل وهو يخرج جاد منو... جاد(تخلع فاش لقاني قدامو):شنو كاديري هنا! واش ماكاتشوفيش ممنوع الدخول انا(مخنزرة): وانت علاش داخل جاد:وهاا دخول الصحة..ديها فشغالك(دفعني ومشا) بقيت واقفة قدام الباب وانا باغة نشوف شنو كاين...سمعت شي ضجيج لداخل مشيت تخبعت فواحد القنة وكانطل بانت ليا أستاذة ديال الانجليزية خارجة وكاتقاد حوايجها...هنا فهمت اش واقع مشيت كانجري عند بسمة وعاودت ليها كلشي بسمة(ببرود):وي عارفة انا:شنوو بسمة: وعندي الدليل.. انا: وعلاش ماترضيش ليه الدقة وتوريه لادارة بسمة: انا ماشي غبية باش ندير هاكا...حيت غير غادي نشري صداع لراسي...مدير الجامعة هو عم جاد اذن ماغادي نستافد والو من هادشي غير انني نضيع الدليل من يدي لذلك قررت انني نشري راحتي وراحتك بيه.. انا:كيفاش! بسمة:يعني عيشي حياتك حيت تاحد من جاد ولا سما مايقدر يدير ليك شي حاجة.. ارتاحيت من كلام بسمة...وفعلا دازو الايام والحمد لله تاحد ماقدر يدير لي شي حاجة حتال لواحد النهار كانت الشتاء خرجت كانجري حيت كتابي فجردة حتا كانسمع صوت بسمة كاتغوت بسميتي...ومن بعد صوت شي حاجة طاحت درت بالزربة وانا نخلوعة حتا كاتبان ليا بسمة طايحة لارض وهي غارقة فدماياتها ...كون تعطلات ب 3دقائق كون كانت هاد الحجرة طاحت فوق راسي انا...اذن انا لي كنت الهدف...حسيت بقلبي غايخرج من بلاصتو بداو الناس كيتجمعو وانا حدا بسمة كانغوت ونبكي انا(كانغوت):جيبووو الاسعااف!!! شي حد يجيب الاسعاف..اهئ اهئ بسمة فيقي عافاك.. جاو الاسعاف وماخلاونيش نمشي معاهم داو بسمة وبقيت انا بحدي فهاد الجامعة لي ولات غابة بالنسبة ليا...طاح على بالي شخص واحد ممكن يكون دار هادشي..مشيت كانجري كانقلب عليه..لقيتو فالمكتبة انا(شانقة عليه):انت لي درتيها يااك!! دوي اهاد الحيوان !! مجرم الله ياخد فيك الحق تفووو جاد(دفعني ومارضاش حيت كلشي شافنا):هاايي اش كاتقولي انتي...بعدي مني الحمقة.. انا(طحت لارض وبديت كانبكي):شنو درت ليك باش تحاول تقتلني هاا؟؟..ماشي حرام عليك...بسمة لي دفعات الثمن بلاصتي... جاد(خرج عينيه):شنوو شنو كاتقولي!!(خرج من المكتبة وهو معصب ) طارق(جا عندي وكلسني فلكرسي):انتي لباس؟ انا(كانمسح دموعي):طلق مني...كلكم بحال بحال (دفعتو وخرجت)
جاد(غادي معصب وجر سما):انت لي درتيها ياك؟ سما(بهدوء):واقلة خاصك تشكرني جاد(صرفقها):علاش درتي هاكا....علاش كنتي باغا تقتليها!! سما(شدات حنكها):شنو وقع ليك اجاد!! كاتصرفق ختك على قبل هاديك الفقيرة جاد(عاود صرفقها):سكتي...اخر مرة تخرجي هاد الكلمة من فمك!.. طلبت من الادارة تسمح لي نمشي نشوف بسمة واخيرا وافقو..عطاوني عنوان المشفى خديت طاكسي ومشيت انا:اختي عافاك بسمة بناني اينا غرفة؟؟ الموضفة: الطابق التاني الغرفة 107 انا:شكرا طلعت وبقيت كانقلب على الغرفة.105.. 106..اه هاهي 107 ، دخلت لقيت الطبيب يلاه خرج من عندها انا:بسمة ... كيبقيتي شوية؟؟ بسمة(كاتهضر بزز):اه الحمد لله انا(عنقتها وانا كانبكي):سمحي ليا كلشي بسبابي!!.. بسمة: صافي نساي...انت بيخير ياك؟ انا(مسحت دموعي):اه بيخير...هادشي كل من جاد والله حتا ندمو! بسمة:لا ارجاء عنداك ديري شي حاجة.!..اصلا ماشي هو لي دار هادشي انا: وباش عرفتيها؟؟ بسمة: انا كانعرفو واخا يبان ليك هاكاك مايقدرش يقتل شي حد...انا عارفة شكون دار هادشي! انا(باهتمام):وشكوون؟! بسمة:سما! فالجامعة كانت الاجواء مرتابكة وكلشي كيهضر على الحادثة.. سالي: لينا سمعت بلي سما لي دارت هادشي واش بصح! لينا: والله ماعرفت اختي...ولكن كلشي متوقع من هاديك شفتي اش دارت فصاحبتها سما(دازت من حداهم وسمعاتهم):شوفي انتي وياها هاد المرة منين تبغيو تهضرو فيا غسلو فمكم المسخ سبع مرات سمعتوني!! ...حقيرات! طارق:سما!! باراكا من هاد التكبر والحقد...راك زدتي فيه! سما(مارضاتش):وانت شنو دخلك ...بقا ليا غير ولد الخدامة يتحكم فيا!! كلشي تصدم فاش سمعو هضرت سما تاحد ماكان عارف انا طارق ولد الخدامة ديال سما وجاد حيت تربى معاهم وواليديهم كيتهلاو فيه بحال ولدهم، حتا انا تصدمت من الخبر كنت يلاه جيت من المشفى ومع الدخلة سمعت كلامهم بان ليا طارق حابس دموعو بقا فيا فهاديك اللحظة طارق: عرفتي شنو...خسارة فيك كلمة اختي لي كنت كانقولك!!
سما(غوتات): وشكون قالك انا اختك...انا ماشي ختك سمعتيي...بزاف عليك تكون خويا جاد(قاطعها):سما سكتي!!! سما(خنزرات فيه ودارت شافت فيا ابتاسمات بخبث وشافت فجاد): اووه جيتي العاشق الولهان...داير فيها روميو جاد:شنو كاتقولي! سما(غوتات):سمعووني كلكم...جاد كيبغي الفقيرة الحقيرة بنت الحي الشعبي... كلامها طاح عليا بحال سطل ديال الماء البارد...جاد دا دغيا كيشوف فيا يمكن بغا يشوف ردة الفعل ديالي انا ماقدرتش نهضر ولا ندافع على راسي...بقيت مصدومة مشيت كانجري لبيتي سديت عليا وبقيت كانبكي...حتا قلت ان كلشي تقاد وغادي نقدر نعيش في سلام ...لكن كلشي تقلب ليوم كلشي جا فدقة ...الحادثة...وكلام سما..باقي كلامها كيدوز ليا فوذني ولكن...ماقدراش نستوعبو...جا نهار جديد وجاتني فشكل نمشي نفطر بلا بسمة حيت قاليها الطبيب خاصها الراحة وغاتبقا شي ايام فالمشفى...شهيتي تقفلات درت بالناقص من الفطور..خرجت لحديقة واخا كان الجو بارد...بان ليا جاد ...بقا كيشوف فيا ولكن ماديتهاش فيه ...بقيت كالسة بحدي حتا جا عندي خالد خالد:رجاء...واخا نسولك! انا:تفضل ا أستاذ.. خالد: تت...سمعت بلي وقع لبارح...بسمة..زعما صاحبتك بسمة..كيبقات؟ انا(جاتني الضحكة من تعابير وجهو):فالحقيقة ا استاذ...حالتها خطيرة بزااف خالد:اويلي..بغيت نقول مسكييينة...مهم هاني مشيت مشا وبقيت كانضحك على حالتو..حتا وقف عليا جاد جاد(مغوبش):شنو بغا منك هاداك؟ انا(جمعت الضحكة وخنزرت):وانت مالك؟ جاد:جاوبيني قبل مانتعصب! انا: راك بابا وقيلة وانا مافخباريش...مسألة شخصية..سمح لي مشغولة(ونضت وخليتو باغي يطرطق) مشيت لكافيتيرية ناخد قهوة وبان ليا طارق كالس بحدو خديت كافي اخرى ومشيت عندو انا:واخا نكلس؟ طارق(بلا مايهضر اشر ليا براسو بمعنى كلسي) انا(مديت ليه الكافي):مايبقاش فيك الحال.. طارق:انا مابقاش فيا لحال حيت عرفو حقيقتي...حيت انا فقير وعارف وضعيتي...ولكن لي بقا فيا هو سما...اعتابرتها بحال ختي ولكن جرحاتني بتصرفها انا(درت يدي على كتفو):صافي غير نسا.. سما(دازت من حدانا وشافتي دايرة يدي عليه شافت فينا باحتقار):واو الفقراء تجمعو مع بعضهم...هههه تستاهلو شي صورة جاد(يلاه جا):شنو واقع هنا(وشاف يدي على كتف طارق) سما: هانتا كاتشوف ...واخيرا عرفو مكانتهم هما بجوج(ومشات) انا(خنزرت فجاد): وانت شنو كاتسنا..يلاه لحق على ختك..عنداك نعاديوك بفقرنا..(مشا وهو حادر راسو) طارق:جاد ضريف...علاش كاتعاملي معاه هاكا؟ انا: باقي كادافع عليه...قالك ضريف..عرفتي شنو انا لي هبلة كالسة معاك(ونضت) طارق(جرني):لا عافاك بقاي! انا(جريت يدي عندي ومشيت):لا..مشغولة! مشيت وانا نسمع شي اغنية..ياه هاتفي ...شحال هادي ماتاصل بي شي حد.. انا:الوو .. سعد(خويا):بوقالة لبااس! انا(دمعو عينيا فاش سمعت صوتو):سعععد!! راس الطارو توحشتك(سمعت صوت ماما كاضارب معاه باش تهضر معايا)...هههه دوز ليا ماما ماما:بنتيي كيدايرة لباس..وصلوك لحوايج لي صيفط ليك؟ شوفي لبسي مزيان نبغيك تاخدي شي واحد من هادوك لي قراو معاك الى كنت مطورة راه لباس عليهم... انا:ههههه الله يهديك اماما...لواه ناخد المدير هههه ماما(غوتات تا تقبات ليا الطبل ديال وذني):ايييه وعلاش لا...مزوج؟؟ باقي صغيير؟؟ انا: هههه الو..الوو ماما؟؟(تقطع الخط) كنت مقلقة ولكن فرحوني بهاد الاتصال هههه توحشت ماما وغواتها وحتا تمييزها بيني وبين خويا...حسن من هاد الغابة لي فيها انا.. دازو الايام مرة مرة كانهضر مع طارق.. وجاد ديما حاضيني وكيخنزر...يا لطيف ماعرفت مالو معايا.. قربو الامتحانات وبديت كانبعد على بنادم غير كانراجع ونحفظ..وانا كالسة فلبيت حتا دخل عليا
قربو الامتحانات وبديت كانبعد على بنادم غير كانراجع ونحفظ..وانا كالسة فلبيت حتا دخل عليا شي حد.. جاد:رجاء! انا(كانغوت):اويلي السيبة فالبلاد..ماكاتعرفش دق الباب قبل مادخل جاد(مصدوم):وااو شعرك زوييين! انا(عاد عقت براسي كالسة بلا فولار رميتو دغيا على راسي وبديت نغوت):واش انت حمق....داخل عليا بلا دقان وكاتمنضر ليا فشعري... جاد(سد ليا فمي):رجاء..سمعيني... فهاد اللحظة دخل سعد سعد:رجااااء!! شكون هادا؟ انا(كاترعد):سعد! هادا...هادا نسا كتابو عندي وجا ياخدو..(عطيتو لكتاب لي كان فيدي ودفعتو خارج الغرفة)..حبيبيي..توحشتك(وع
جاد(تصدم من كلامي):سمحي ليا...عندك الحق شكون انا بالنسبة ليك...غير حقير ياك انا(يلاه بغيت نهضر وهو يمشي) ماعرفتش علاش بقا فيا الحال...ويليي نسييت الامتحانات مشيت كانجري لبيتي..لقيت الكتاب لي عطيت لجاد وفيه شي وراق ومكتوب فورقة اخرى صغيرة "اعتابريه اعتذار من الحقير" ، هزيت لوراق لقيتهم نسخة من الامتاحانات لي غايتحطو لينا غدا فرحت وفنفس لوقت قلت مع راسي واقيلة باغي يديرها بيا باش مانحفضش وماندير والو غدا..حفضت مزياان وخدمت هادوك الوراق باش نشوف راسي واش فاهمة..فاليوم التالي فقت معطلة خرجت كانجري لقاعة تلاقيت بجاد غمزني وخلاني مبلوكيا كون ماشي بسمة لي جات ونغزاتني باش ندخل كون بقيت تما...دخلنا دوزنا الامتحان وتصمدت فاش لقيتو هو نفسو لي عطاني جاد...حسيت براسي بحالا كانغش..ولكن انا حافضة..ضيعت نصف الوقت وانا كانفكر فالامر عاد رديت لبال الوقة عمرت الورقة دغيا وخرجت كانجري.. بسمة(كاتحاول تلحق بيا ولكن ماقادراش تجري حيت مزال مريضة):رجاااء!! ماسمعتهاش وكملت طريقي..بان ليا جاد ومشيت كانجري عندو وشنقت عليه: علاش درتي هاكا...شكون قالك انا محتاجة مساعدتك.. ماخلانيش نكمل هضرتي وطبع قبلة على جبهتي وكلشي كيتفرج فينا...ماقدرتش ندفعو بحالا كان داير ليا التنويم الميغناطيسي ..عاد عقت براسي ودفعتو انا(شادت فراسي كنتي ..وغاتبقا ديما حقير بالنسبة ليا(وصرفقتو) مشيت كانجري لحديقة ونسمة تابعاني نسمة:رجاء..شنو وقع فغيابي؟ انا(كانبكي):نسمة عافاك خليني بحدي... لينا: بغيت غير نعرف شنو عندها هي وماعندناش اووف واخدة غا زوينين.. سالي: صافي سكتي انا غانتاحر طارق(لجاد):علاش درتي هاكا...رجاء ماشي من داك النوع لي كاتعرف.. جاد: عرفت..داكشي علاش درت هاكا.. حيت هي ديالي طارق:راك حماقيتي واقيلة(ومشا) سما(تبعات طارق):قلبك تحرق ياك؟ مسكين طارق: شنو باغة مني دابا؟ سما(قربات منو):طارق..انا... طارق(دفعها): باراكا اسما..باراكا بسمة:رجاء ..انا حاسة بيك ماشي حتال لهيه...واش كاتبغيه؟؟ انا(شفت فيها وعيني مغرغرين):شنو كاتقولي.. بسمة:نعتبرها اه؟ انا:ماعرفتش.. كانت الاجواء ملخبطة ..بسمة دخلات فيا الشك .واش ممكن نكون كانبغيه؟؟ ولكن شنو لي يضمن لي بلي هو ماكيتفلاش!..اش كانخربق..واقيلة نسيت راسي انا جيت لهنا باش نكمل حلمي..باش نفرض وجودي..ماغانسمح لحتا حد يبعدني على حلمي..من داك النهار بعدت على كلشي حتا من نسمة..وهي احتارمات قراري ، خالد طلب منها السماح حيت شك فيها ولكن هي ماقبلاتش كون بغاها بصح مايتيقش التهمة لي لصقوها فيها وكان يسولها ويبحث فالامر ماشي يمشي ويخليها...زادت كبرات فعينيا بتصرفها هادا ..قربات عطلة نصف السنة وبديت كانجمع فحوايجي وكانتسنا غير امتا نرجع لدارنا.. بسمة: رجاء فين غاتمشي فهاد العطلة! انا(مجبدة فناموسية): لدارنا..فين غانمشي زعما بسمة: وايلي ماغاتسارفريش انا: واراني دابا مسافرة ...ماكفاكش هاد السفر هادا هههه بسمة: اووف خسارة كنت بغيتك تسافري معايا! انا: اوا اجي معايا انت! بسمة(قفزات):بصح بصح..واليديك يبغيو.. انا: اااه اكييد يبغيو بلفرحات عليهم يجي عندهم شي حد بسمة(نقزات عندي وعنقاتني):هههه ياااي غانسافر مع ختيتي انا:ههههه واطلقي راك قجيتيتي...قتليني وشوفي معامن تسافري هههه كملنا جميع لحوايج حيت غدا غادي نسافرو بدينا كانودعو بعضنا...بان ليا جاد كالس بوحدو اول مرة نشوفو هاكاك مشيت عندو انا(مديت ليه يدي):عطلة سعيدة.. جاد(سلم عليا وهو فرحان ومستغرب): ماكنتش كانظن غادي تهضري معايا من بعد هاداك النهار... انا: ههه شفتي قلبي بيض جاد(غانتوحشك..
انا(خرجت عيني ودفعتو):اهيا وواماتندمنيش لاش جيت عندك.. جاد(دار يدو على راسو):سمحي ليا...انا هاكا انا(قاديت فولاري):مهم بسلامة(ومشيت) وانا كانبعد عليه كانحس بالهواء كيقلال ..يلاه كنت فرحانة حيت غانشوف دارنا كيفاش تقلب مزاجي بتعنيقة من عندو؟ اووف انا لي نستاهل ماشية عندو..بقيت طريق كل ساكتة وبسمة كاتهضر ماسمعت والو من داكشي لي قالت...واخيييراا وصلت لدار الحي كل بقا كيشوف فبسمة مع باينة من حوايجها لباس عليها...ماما طلات من السرجم شافتني وهي تهبط وهي كاتزغرت ماما:اهلا اهلا بكبيدتي...(وعنقات بسمة بلاصة ماتعنقني) انا:واماما وانا راني هنا! ماما(قرصاتني):تي سكتي خلينا نرحبو بالبنت..فيكم جوع ياك..اجي ابنتي(جرات بسمة وطلعو وخلاو ليا لباكاج ) بقيت مضارية مع لي فاليز حتا طلعتهم لقيت ماما وسعد مدورين بسمة وكيوكلو فيها وسعد كيدير فيها شي شوفات ياسلاام هههه بسمة: رجاء هادا هو خطيبك ياك! ماما(كاتقلب بعينيها):فين هو ابنتي؟ سعد:واتي تخطبتي بلا خبارنا انا(كاندور فعيني):اه..بغات تقول لخبطة لخبطة عاودت ليها على الدق لي كليت هنا(وأشرت ليهم بصبعي حدا السرجم) ماما(تفكرات):اااه..كانت ابنيتي كاتنقز كاتقلد لقرودا لي فالتلفاز وهي تجي على وجهها بسمة:ههههه بصح؟ انا(قلت ليها بشوية):لا غير كاتزيد فيه!! بقينا على هاد الحال كل مرة يفرشو فيا حتا جا بابا حبيبي غير جا ونقزت عليه بحال ديما وكانبوس وهو توحشني مسكين بقا كيعنق وشوية يبكي..بسمة مسكينة غير كاتشوف بعينيها...تغدينا وفلعشية قررت نخرج بسمة دور شوية بسمة:رجاء عرفتي شنو... انا(كاناكل الزريعة):شنو! بسمة:سعداتك بعائلتك... انا(انفاجرت بالضحك):ههههه انا؟ هههه عائلتي! هههههه اودي لا بغيتيهم غير خوديهم بسمة: وانا كرهت! بقات فيا بدلت الموضوع وقلبناها ضحك دوزنا لعطلة كلها ضحك واول مرة نلاحظ بلي بلي انا فعلا محظوظة بعائلتي وخا فقراء لكن الحمد الله غنية بالسعادة لي انا فيها واخا جيب خاوي ولكن القلب عامر.. بسمة: اجي نسولك.. انا(فيا النعاس):سولي.. نسمة: واش بصح سعد خطيبك؟ انا(خرجت فيها عينيا):واش 14 يوم وانتي معانا وباقة ماعرفتي راه خويا نسمة(فرحات):حلفيي؟ ولكن كيقولك حبيية وحتا انت نفس الشيء انا:هههههه وغاكملي من عقلك مال خطيبي غايسكن معايا.ههههه بسمة:اووفف فرحتيني...بغيت نقول ..تت انا:واهياتا ياكما طايحة فخويا بقيت كانقز عليها حتا اعتارفات بكلشي هههه
نسمة(دفعاتني):وانعسي غدا تابعنا السفر رجعنا تاني لغابة المعمورة ههه بغيت نقول الجامعة كان السكات على عكس العادة وكلشي متأثر بسمة(جرات لينا):شنو واقع؟ لينا: على مافخباركش..لالة وفاء ماتت مسكينة.. انا:شكون وفاء؟ بسمة(شافت فيا وعينيها مغرغرين):مامات جاد... غير سمعت هاد الجملة حسيت بقلبي تزير..كيفاش غادي تكون حالة جاد؟؟ وشنو واقع ليه؟ هاد الاسئلة كلهم كانو كيدورو فراسي وباش نلقا جواب خاصني نشوفو ..مشيت كانقلب عليه وفطريقي بانت ليا سما كانت حالتها مادايراش ميك اب وعينيها منفوخين انا(قربت منها):سما..البركة فراسك سما(شافت فيا باحتقار):شنو كاديري؟ كاتشفقي عليا...شكووون نتي باش تشفقيي عليااا نتي غيييير فقيرة ماعاندكش لحق!!! جاتها نوبة عصبية وبدات كاتغوت كلشي تجمع وبقاو كيشوفو فيا بمعنى انا السباب..مشيت كانجري وانا حابسة دموعي حتا كيبان ليا جاد كالس بواحد لبلاصة...ضعاف وولا حالتو لحيتو كبرات .. انا(عنقتو وانا كانبكي):جاد البركة فراسك سمح ليا ماكانتش عارفة يلاه ساقت الخبارجاد(عنقني بجهد حتا هو): رجاء انا محتاجك فهاد اللحظة...بقاي معايا لاول مرة نشوف دمعتو حسيت بيه ضعيف بزااف ...ماشي هادا لي شفتو اول مرة وبدا كيضحك عليا ماشي هادا لي شفتو مع الاستاذة...تبدل بزاف..بقيت معاه نهار كل كانواسيه ، دازت الايام وبدات حالة جاد كاتحسن اما سما حالتها كاتدهور ..بسمة وسعد ديما على تواصل..طارق مابقاش كيبان ليا..انا وجاد تعلقنا ببعضنا بزاف..دازت 3 سنوات واخيرا كملت قرايتي وتخرجت وجيت انا الاولى فرحت بزاف وحسيت براسي اخيرا حققت حلمي..جاد كان تخرج قبل مني بعام كنت عاونتو فدروسو وعودتو على الحفاظة بدل نسخ الامتاحانات ههه وخدم فشركة عائلتو..رجعت لدارنا باش نفرحهم انا(نقزت على ماما):مامااا نجحت!! ماما:مزيان اوا اجي عاونيني فتحضيرات خطبة خوك.. انا(طحت لارض):مامااا عاوتانييي!!! ماما(واخيييرا عنقاتني):هههه غير كانضحك معاك مبرووووك ابنتي ديما رافعة ليا راسي انا(خرجت عيني):بصصصح ماما:ايه راه غير ماكانبغيش نبين (عنقتها بجهد) بدينا كانوجدو لخطبة لهبيل وبسمة هههه واخيرا لقا شي وحدة لي تقبل ليه على هبالو..تافقو بعد اسبوع يديرو لعرس. زربانين ههه بدينا كانوجدو تاني لعرس جري من لهنا وجري من لهيه ...كنت فلبوتيك كانختار شي حوايج لبسمة ههههه انا:شوفي اهادا ياختي يجيك زويين الشخص:لا يجي معاك انت حسن هههه درت نشوف شكون لقيتو جاد...بلفرحة نسيتو اش قال ونقزت انا(عاد عقت بيه اش قال):اهيا شنو بغيتي تقصد بكلامك... جاد:كلامي واضح وباين(وغمزني وبقيت مبلوكيا تاني) انا: باقي كيفما انت..حقير هههه جاد: لاا تبدلت.. انا: ههممم تقيتك.. جاد: كانبغيك انا(فرحانة ولكن مابينتش): شحال من وحدة قلتي ليها هاد الكلمة؟؟ جاد: بزاف..ولكن هاد لمرة بصح وباش تعرفيني كاندوي من نيتي..(جبد علبة ومدها ليا):حليها انا(حليتها وانا غانموت بلفرحة وانا لقا شكلاطة رميتها ليه على وجهو وجمعت الضحكة):كاتمركن عليا؟..حيد من قدامي(دفعتو وباغا نمشي)
جاد(جرني وجبد خاتم من جيبو): تقبلي تزوجي بيا؟ بسمة(من ورانا):وافقي وافقيي خههه انا(حشمانة):تت...ماعرفت...
الفقر معمرو كان عيب ديرو هدي فبالكم
النهاية